Dizionari de Lenghe Furlane

cudumar  /-dù-/  cu|du|mar  [CO, TS]

1. s.m. bot.com., gastr. pome lungje e verde che si mangje pal solit in salate:  a vevin cjatade la ave Vire che e jere tal ort, daûr a cjapà sù i cudumars pal gustâ (Mario De Apollonia, Il timp par ledrôs)
   Var. cucumar
   
   1. plante, de famee des Cucurbitaciis, che e fâs chê e pome e che si ten tai orts, lat. sient. Cucumis sativus:  cumò si semenin capûs, cudumars, melons, pevarons ta chês casselis che saran restadis vueidis dopo che varês riplantadis in tiare lis violis doplis (Emilia Baldassarre, Ort e cusine)
2. s.m. (fig.) persone pôc inteligjente, ancje tant che ofese gjeneriche:  i parons dal vapôr, chei che a tegnin la mescule in cheste mignestre, a son i prins a no crodi (se no dal dut cudumars) che [la propagande nazionaliste] e vebi sostance (Josef Marchet, Partide dople); "Che a mi lassi cjaçâi un scufiot a chel râf di broade." "Proviti, cudumar." (Pieri Piçul, Vieri e gnûf)
   Sin. aloc , balote , barbezuan , batecul , batocj , biadin , catùs , coion , corli , çondar , dordei , dordul , gnoc , gnogno , gnognul , imbambinît , lodul , mamo , marlup , mierli , mincjon , mone , monighe , pantalon , pote , salam , semplon , socol , stupit , totolò , biât , cretin , brocul , incoionît , râf , pistum , sacodâl , sturnel , sturnît , baban , bacalà , lolo , mauc , mus , babuin , dordel
3. s.m. (fig.) orghin sessuâl masculin:  i nons [che i zigavin al arbitri] a levin di "cudumar flap" a "fenoli vendût" (Cristina Noacco, Faliscjis)
   Sin. bighe¹ , caz , afâr , argagn , uciel , parussul , brucje , cai , mani , britul , coni , cotâl , cuaiat , çoçul , çus , pandolat , parussulat , pisse , salsiç , sivilot , bigul
4. s.m. colp fuart dât cu la man sierade:  lu veve distirât, tant lunc che al jere, cun doi cudumars te muse (Roberto Ongaro, Il muc)
   Sin. carobule , ceregne , ceve , cevole , copete , crufule , bote¹ , fotecje , legnade , poc¹ , pocade , raclade , slepe , slocje , sove , stringhe , vene² , vuadule , vueche , croc , crup , pache , ton¹ , sgnesule , tonade , briscule , batude , colp , croste , sissule , slep , trusse , vuaiade , vuaìne , ruf , sgaruf , cuaie