Dizionari de Lenghe Furlane

tananai  /-ài/  ta|na|nai  [CO]

1. s.m. lûc o situazion dulà che e je une vore di confusion, di disordin, di int che e 'simine e v.i.:  e in cusine cjacarantsi / fra lis tacis e bocâi / del Paron nuie curantsi / nassè un serio tananai (Toni Broili, Academie des massariis); Florean l'è cause di dut chest tananai (Guido Antonioli, Florean dal Palaç, I, 8); ce spassâsile in ligrie / pe campagne fra i vignâi, / simpri in biele compagnie: / ce davoi! Ce tananai! (Fabio Galliussi, Co ven la ore di vendemis)
   Sin. babilonie , casin , mismàs , bordel , badaluc , cjadaldiaul , davoi , desio , disio , pastiel , daidai , confusion , confusie
   
   1. sunsûr fuart, ancje che al da fastidi:  i tamburei e batin, / al sglingline il sunai, / e sdrondenâ une armoniche / si sint: ce tananai! (Antonio Pozzo, La sagre di Orsarie); il tananai di lamis cuintri lamis i centenave tal cjâf (Raffaele Serafini, Soreli jevât a mont)
      Sin. batibui , bordel , sunsûr , davoi , diauleri , fracàs , bacan²
   2. agjitazion o reazion o discussion une vore ferbinte:  "[…] jo no crodevi che par chel pipin al varès vût di nassi dut chist tananai" (Maria Gioitti del Monaco, Un conciart di bande)
2. s.m. ogjet che al fâs sunsûr, confusion:  siôr Pieri al cjape in man chel tananai dal telefono e al dîs: "Alo! …" (Ugo Pellis, Dôs cjacaris di Vencul - Prefazion a Instoriis e liendis furlanis)
   
   1. ogjet o robe o facende in gjenerâl:  "Soi ca, siore parone, i puarti un grum di tananais: un grati pel formadi, un bocon di savon, bon per Teresie; che e viodi, contessine, une scjatule di fulminants, e van ben pe pipe, un ferâl pe stale, un pac di cartulinis […]" (Bepo Marion, Il canocjâl de contesse); o sborfini i stivâi, / neti il pipul de lum, stici il pavêr, / e o distrighi cualchi altri tananai (Pieri Çorut, La mê vite di citât)
      Sin. tananaie , afâr , cjossul , robul¹ , tramai , truc¹
3. s.m. (coloc.) part daûr dal cuarp, li che e finìs la schene e che a tachin lis gjambis:  i ai sintût da mê ninine / che va cirint il tananai / ma jo i lu ai inta braghesse / no dirès di dâjel mai (Popolâr - Giovanni Tavoschi, I ai sintût da mê ninine - Racconti popolari friulani IV)
   Sin. biel di Rome , daûr , fabrian , floc¹ , florean , martin , posteriôr , preterit , tafanari , cûl , verzot , boro , dote dal Friûl , florio , morghen , pesenâl , sentâ , zei , favar , floreton , funzic , tont
4. s.m. [BF] persone pôc inteligjente
   Sin. aloc , baban , balote , basoâl , barbezuan , batecul , batocj , biadin , biât , catùs , cocâl , coion , corli , cudumar , cretin , dordel , gnoc , gnogno , gnognul , gnotul , imbambinît , imbecîl , lodul , mamo , marlup , mauc , martuf , marzoc , mierli , mincjon , mone , monighe , pantalon , pote , râf , salam , semplon , socol , storcli , çus , totolò , trus , bacalà , sturnel , dordul , teto , tarlup , insemenît , incoionît , tambûr , idiote , pigne¹ , sdarnali , stombli , stupin , stupinot , talpon , ufiel , stupit