tont
/-ò-/
tont
[AF]
-
adi.
che al à forme di cercli, sfere o cilindri o che al somee un cercli, une sfere o un cilindri, ancje cence regolaritât perfete:
ne lune tonde e monde: ne pagjele, / i monts, i cuei e i prâts e risclarave (Meni Ucel, ?);
mê mari mi meteve la marinare. E jo mi imbusavi sot la taule tonde a zuiâ di tic o di pulçs (Alan Brusini, Il zardin)
Sin. taront
-
adi.
che al è caraterizât di une forme o di un profîl a arc
-
di part dal cuarp, o di cuarp, gras o ben in cjar:
[i frutins] a corevin a bussâi la man, une man grasse e tonde (Toni Falescjin, La predicje cuintri la blesteme);
une di chestis massariutis, tonde e ben fate, no lassave cori zornade sence passâ (Gianni Gregoricchio, Îr e doman)
-
adi.
che al è di grane gruesse o larc di diametri:
ancje la semule plui tonde e grese, a fuarce di masanâsi e di trivelâsi, e devente un bon noli e un bon farinel (Riedo Pup, Fûr che al vegni cui che al è stât)
-
penç:
un sunsûr soterani che al veve cirût di sgludâ cul lavôr, ma che nol veve mai rivât a cidinâ dal dut. Al veve fevelât une volte cuntun miedi che i veve dit che il mâl al podeve sei dome tal sanc masse tont (Maria Forte, La tiere di Lansing)
-
adi.
(fig.)
di numar, intîr, cence decimâi o justât su la desene plui dongje:
si scuen nomenâ almancul i aniversaris di nassite a cifre tonde, vâl a dî chel di Beethoven pai 250 agns, Chopin e Schumann pai 210, Paganini e Tchaikovsky pai 180 (Alessio Screm, Dusinte agns fa, al nasseve Jacopo Bartolomeo Tomadini)
Sin. just
, taront
-
adi.
(fig.)
che al da une sensazion o une impression di plenece e di armonie:
la cjampane di Toresele e veve une vosute lizerine, e chê di Dargnà i lave daûr cun chê vôs tonde (Dino Virgili, La aghe da pît la cleve)
Sin. taront
-
di vin, cuntun savôr plen e bon, a pene amabil
-
adi.
(fig.)
che al è caraterizât di completece, perfezion
Sin. taront
-
adi.
(fig.)
che al è caraterizât di une ricorence o ripetizion:
chê forme che le contin, cun chê ande: / peraulis tondis, laudis che no àn fin (Meni Ucel, Modestie!)
Sin. taront
-
adi., s.m.
pôc inteligjent:
tu sês tont (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. taront
, stupit
, biât
-
s.m.
cualsisei robe di forme taronde o cu la sezion circolâr:
il soreli al jere jevât daspò des sîs, un tont zâl sul fonts blâf de planure (Agnul di Spere, Cjalant la rive)
Sin. cercli
, taront
Cfr. bale
, disc
-
s.m.
[TS]
art
tes arts figurativis piture dentri une forme taronde:
tal volt a son piturâts i Apuestui, e tai tonts Sants a mieç bust (Bepi Agostinis, Storie de art in Friûl)
Sin. taront
-
ogni element decoratîf circolâr
-
adi., s.m.
[TS]
tipogr.
caratar latin normâl, dret, in oposizion a corsîf
Sin. roman
, taront
-
s.m.
viôt plat
:
tonts di peltri ca e là / o che mancjin o che no son (Anonim, Gurizans e bassarûi)
-
s.m.
(eufem.)
viôt cûl
:
vuarda che a no tal cjacin intal tont (Eusebi Stele, Biela polzeta, che i tu pârs apont)