disc
disc
[AF]
-
s.m.
cualsisei ogjet plac e taront o che al somee plac e taront:
lis tutres a son grancj discs di paste di siale, farsîts e frits, tipics de cusine ladine (Sandri Carrozzo, Tutres);
il soreli al va indevant a sbassâsi […]. Il disc di fûc, lassade daûr di se la linie dal ecuinozi di Setembar, si slontane simpri di plui dal emisferi di setentrion (Mario Martinis, Il grant lunari dal Friûl. Novembar)
-
s.m.
supuart plac e taront, pal solit di resine viniliche, incidût cun musiche o altri contignût audio:
vuê o ai cjapât sù un vecjo disc di vinîl, un 45 zîrs (Checo Tam, Beromünster e Monteceneri)
-
complès dai tocs musicâi che a son incidûts intun disc:
de strade al rivave il busineç dai automobii e chel di une cjase juste in face, dulà che a tignivin masse a fuart discs di Bob Dylan (Agnul di Spere, I prâts des Savodagnis);
Glauco Venier che cul so ultin disc si è meretât une nomination al Grammy Award pal miôr album jazz vocâl (Margherita Timeus, Sedean, caput mundi)
-
s.m.
[TS]
inform.
in aparâts informatics, supuart digjitâl par regjistrâ dâts:
Albert al veve cumbinât di fâ un clon dal disc cualchi setemane prime di chê sparizion misteriose (Spirt Anonim, Codiç)
-
s.m.
[TS]
sport
imprest de atletiche lizere formât di un pês plac e taront che si à di butâ ae distance massime che si rive
-
piçule plache taronde doprade tal hockey su glace tant che ogjet di passâsi e di butâ in puarte
-
pês di forme plache e circolâr che si pues zontâ o gjavâ di sbaris o manuvris
Sin. pês1