Dizionari de Lenghe Furlane

bale  ba|le  [FO]

1. s.f. sfere doprade par zuiâ:  cualchidun al veve pierdût une bale di tenis (Checo Tam, Leviathano!); al cjape la bale tal mieç dal cjamp e si svicine ae aree furlane, al tire ben in diagonâl (Marc Stolf, Udinese - Parma 3-2); al viodè Ricardo che al zuiave di bessôl tal curtîl, cuntune bale di gome (Carlo Sgorlon, Prime di sere)
   
   1. sfere di materiâl dûr doprade par zuiâ, butantle plui dongje che si pues dal balin:  di Istât si sentave da ad ôr dal zûc di balis e al cirive di induvinâ la misure di une bale, o di chê altre, dal balin (Maria Forte, La tiere di Lansing)
      Sin. burele , balin ipon. , sbocje , sbocj ipon.
2. s.f. [CO, TS] sport massime intal zûc di fobal, tîr o passaç o ocasion di fâ une zuiade:  devant a rivin pocjis balis che si puedin pardabon zuiâ e stramudâ in ocasions di rêt (Marc Stolf, Udinese - Chievo 1-1)
   Sin. balon
3. s.f. cualsisei robe di forme sferiche:  il soreli al tramontave, come une bale di fûc tal cîl, une maravee di viodi (Egle Taverna, Storie di un cjan)
   Sin. sfere
   
   1. recipient di forme sferiche:  al comprà pe Miliute un pes ros tune grande bale di veri e se gjoldeve a viodi la picinine tant cjapade di chel zughet vîf ta la aghe (Maria Forte, La tiere di Lansing)
      Sin. sfere
   2. decorazion o motîf di forme taronde:  dôs cjamesis violetis a balis rossis (Arturo Feruglio, Viaç a Vignesie)
   3. part anatomiche di forme plui o mancul sferiche:  al môf juste il dêt di une man e al zire juste la bale dai voi tor pe cjamare (Meni Ucel, Comprension)
   4. part taronde e rosse dal ûf:  par rimontâsi che cjoli une bale di ûf ogni dì (Pieri Somede dai Marcs, Ursule)
      Sin. ros
   5. element decoratîf taront te corone di une steme, che daûr dal numar al segne il nivel di nobiltât:  "[...] e po, la famee dei conts Topolò [...] no po imparentâsi cun cui che nol à sanc blu tes venis!" "I tegnie tant a lis balis, Contesse? Che no stedi a lâ daur a chês antigaiis" (Bepo Marion, Il canocjâl de contesse)
4. s.f. [CO, TS] stor. piçule sfere che si doprave intes votazions e vôt dât a pro o cuintri di cdn. o di alc:  ai vincj di Avost o soi stât balotât / conseîr comunâl / di Sant Zuan di Manzan; / e ai vût dutis lis balis in favôr (Pieri Çorut, Lis mês gloriis)
5. s.f. piçule sfere che si dopre in estrazions o lotariis:  il palc de tombule al jere prontât e ducj a spietavin il moment che il sindic al varès tiradis fûr, une a la volte, lis balis cui numars (Gianni Gregoricchio, Îr e doman)
6. s.f. toc di metal, o par antîc ancje di piere, trat di une arme di fûc:  la bale i veve sfrisade la cope e il sanc i spissulave cjalt (Maria Forte, "Nossent"); par fâ lis balis di fusîl tocjave recuisî i cjaldîrs di ram de puare int (Roberto Ongaro, Il muc)
   Sin. colp , proietil , proiet
7. s.f. robe false, dite par imboiâ:  e par dimostrâ che no conti balis o visi che la notizie e je publicade cheste setemane su la Gazete uficiâl de Republiche (Riedo Pup, Ocjo di no pintîsi)
   Sin. bausie¹ , bombe , buride , buridon , carotule , falope , falsetât , fandonie , fanferie , fiandrine , flabe , flandogne , fote , implant , invenzion , sbarade , sflandocje , sflandogne , storie , bufule , sflocje , sflandocule , fanfaluche , frotule
   
   1. ancje in esclamazions par dî che ce che al dîs cdn. altri al è fals:  "La republiche e je la Italie che si môf" al diseve Gringule. "Balis!" al rispuindeve Lusigne "Il re, chel sì al ere il simbul de unitât, dai valôrs patriotics" (Domeni Zannier, La crete che no vai)
8. s.f. (fig.) robe esagjerade:  nus sglonfaran il fiât de solite zonte di balis nazionalistichis (Josef Marchet, Legnadis e pidadis)
   Sin. berlete , bulade , buleç , cagade , canonade , fanfaronade , fole³ , lasagnade , sflocje , spacade , spaconade , spampanade , svant , trombonade , vant , vantarie , bufule , putanade
9. s.f. (volg.) testicul:  e jere vignude fûr une figure balorde. "A mi mi à dute la ande di un caz cun tant di balis sot" al veve comentât un dal trop (Gianni Gregoricchio, Îr e doman)
   Sin. balote , coion , testicul , totul , bergamasc , tendarel
   
   1. in espressions par dineâ o refudâ:  un pâr di balis che o pai jo ancje cheste volte!; lis balis, che lu judi, cun dut ce che mi à fat di mâl!
10. s.f. (coloc., volg., fig.) spec. tal pl., sensazion di fastidi o di stufe o robe o persone che a dan fastidi, che a stufin:  ce balis lis provis di bande! (Checo Tam, Avengers); no disin nuie di gnûf e dopo un pôc ti fasin vignî un pâr di balis (Max Mauro, Un Friûl difarent: i 90 mhz di Onde Furlane)
    Sin. barbe¹ , rompiment di balis , coion , fastidi , secjadure , stufe
11. s.f. (pop.) bevude fuarte di alcolics e i efiets che e lasse:  "A cjapâ balis, a doventâ cjochelis vês imparât pal mont!" (Dolfo Zorzut, Eh! in chist mont, par doventâ siôrs, si dovi robâ); va a durmî tal cjôt, cjochele. Viôt li ce bale che tu âs! (Alan Brusini, Amîs come prime)
    Sin. plombe , plene , pipine , susine , piruce , simie , strissule , parussule , çusse , civuite , sfisie , steche , cjoche , cuete¹ , çussigne , implombade , sbrosigne , trusse , zufule
12. s.f. robe che si à fisse tal cjâf, che si vûl a fuart:  ti passe chê bale - dissè jê - chi o soi e chi o resti, e tu va là che tu vûs… (Maria Forte, Mabile la Lunghine)
    Sin. claut , carûl , fisse , chê
13. s.f. cuantitât di robe, spec. di paie, di stranc o di ciertis marcjanziis, fate sù:  al ti cjatave so pari, sentât su di une bale di stranc (Alan Brusini, Come tai romançs)

Polirematichis e espressions idiomatichis

• bale a svol loc.s.f.
• bale tal cos loc.s.f.
• bale tal zei loc.s.f.
• fâ colâ lis balis loc.v.
• fûr des balis loc.av., loc.inter.
• gratâsi lis balis loc.v.
• in bale loc.adi.inv.
• lâ fûr des balis loc.v.
• rompi lis balis loc.v.
• sbatisi lis balis loc.v.
• stâ su lis balis loc.v.
• zirâ lis balis loc.

Proverbis:

• fûr il gjat, la surîs a bale