Dizionari de Lenghe Furlane

parussule  /-rù-/  pa|ru||ssu|le  [CO, TS]

1. s.f. ornit.com. uciel de famee dai Paridis, cun cjâf neri e blanc, pet e panze zâi cuntune striche nere tal mieç, schene e alis di colôr vert, celest, grîs, lat. sient. Parus maior, in riferiment al individui feminin o ancje a un individui di cualsisei gjenar:  ta chel louc a passavin a scjaps: montans, luiers, çavatui, fresons, parussulis (Aldo Tomè, Barba Bortul di Manià - Il Strolic furlan pal 1996); une biele fersorie di parussulis parsore il fûc (Catarine Percude, L'oseladôr)
   Sin. parusse
   Cfr. parussul , parussulat
2. s.f. (fig., coloc.) orghin sessuâl feminîl:  "Almancul, vergognosate, no tu mostrarâs la parussule!" (Gianni Gregoricchio, Trê feminis)
   Sin. bebece , bece , beibe , brotule , bûs , buse , busute , cjastine , fersorie , fighe , filipe , fritule , mone , musine , narde , ninine , nît , palisse , panarie , parusse , frice , pavee , pêl , pelice , pelose , plete , pote , rice , robe , robute , sfese , sunete , surîs , tai , vagjine , vulve , panole , pantiane
   
   1. s.f., adi. (meton.) fantate o femine une vore biele, che si brame
      Sin. friçone , friçon , sclese , panole , frice
3. s.f. (fig.) bevude une vore bondante di alcolics e efiet dal alcul bevût in grande bondance, che al fâs pierdi la luciditât
   Sin. simie , bale , pipine , trusse , susine , steche , sfisie , plombe , cuete¹ , çufule , çusse , implombade , incjocade , piruce , cjoche , plene , strissule , sissule , civuite , sborgne , invreasade , sbrosigne

Polirematichis e espressions idiomatichis

• cjâf di parussule loc.s.m.
• parussule grise loc.s.f.
• parussule mate loc.s.f.
• parussule todescje loc.s.f.

Proverbis:

• cuant che e cjante la parussule, e cjante la zerpignole