Dizionari de Lenghe Furlane

panole  /-ó-/  pa|no|le  [AF]

1. s.f. spi de blave:  chê tiere che une volte e jere plene di clapigne e di grame, e jere deventade fofe, plene di morârs in file, e forment e panolis a vignivin che e jere une maravee (Pieri Somede dai Marcs, La braide); al compagnà Eliseo sul cjast, plen di riestis di panolis, di macs di gjirasoi e di forment slargjât (Carlo Sgorlon, Prime di sere); Rusute jere vignude a cjase sô a judâ la int a scussâ panolis (Dolfo Zorzut, La furlane)
   Var. penole
   Cfr. scus , scartòs , sclofe , grignel , penac , curubul , corondul , civon
   
   1. spi dal soròs o di altris plantis
2. s.f. (fig.) persone piçule o biele o che si vuelii ben:  tu sês la mê panole! (Giulio Andrea Pirona, Ercole Carletti, Giovanni Battista Corgnali, Il Nuovo Pirona); cumò je chê panole che si volte / tal so jetut (Ercole Carletti, La Ave)
3. s.f. orghin sessuâl feminîl
   Sin. bebece , bece , beibe , brotule , bûs , buse , busute , cjastine , fersorie , fighe , filipe , fritule , mone , musine , narde , ninine , nît , palisse , panarie , parusse , parussule , pavee , pêl , pelice , pelose , plete , pote , rice , robe , robute , sfese , sunete , surîs , tai , vagjine , vulve , pantiane
   
   1. s.f. (meton.) fantate o femine une vore biele, che si brame
      Sin. friçone , friçon , sclese , frice
4. s.f. (fig.) part dal cuarp sglonfe par vie di une inflamazion o sim.
   Sin. sglonfidugn , sglonfidum
   Cfr. gjandusse

Proverbis:

• anade di nolis, anade di panolis
• bondance di boris, miserie di panolis
• cuant che al cjante il cuc su la rame nude, la panole a ven madure
• sorc biel in jerbe, brut in panole