Dizionari de Lenghe Furlane

sfese  /sfé-/  sfe|se  [AF]

1. s.f. viertidure strete e lungje di doi elements scuasi cometûts:  cucant pe sfese dai scûrs, e spiave cul cûr intal cuel la strade (Gianni Gregoricchio, Trê feminis); fra lis sfesis da la persiane e jentrave une lûs smavide frede (Franca Mainardis, Aiar di cjase)
   Sin. fressure
   Var. sfrese
   
   1. viertidure strete e lungje jenfri doi tocs di alc che si è rot:  un len crissût bessoul tuna sfesa di cret (Novella Cantarutti, Deventâ stria)
      Sin. crepadure , crevadure , sclap , sclapadure , fressure , crepe² , frature , creture¹
2. s.f. (fig.) interuzion, moment o element diviers rispiet a alc che al è prime e che al è dopo:  al restave un jenfri di padin, une sfese di calme (Dino Virgili, La aghe da pît la cleve)

Polirematichis e espressions idiomatichis

• in sfese loc.av., loc.adi.inv.