crevadure
/-ù-/
cre|va|du|re
[CO]
-
s.f.
(ancje fig.)
il crevâ, il crevâsi e il lôr risultât, sedi di alc di materiâl che di alc di imateriâl:
dentri il Partît e jere aromai sbrocade la crevadure jenfri la anime riformiste massimaliste, leade ai leaders storics sicu Turati e Treves, e chê astensioniste comuniste fedêl ae linie di Lenin (Max Mauro, Felix Marchi e il sium dal furlan-furlan);
une radicalizazion dal scuintri tra flamants e valons che al podarès puartâ ancje a di une crevadure de Belgjiche (Carli Pup, L’aiar de indipendence al sofle)
-
interuzion struturâl di alc che si romp, part li che si dividin doi o plui tocs che si crevin:
mûrs plens di crevaduris (Franca Mainardis, Il sium di Lissandri);
il poç dai fîi eletrics des pompis di prese de aghe di mâr al veve une crevadure di 20 cm, e che di li e saltave fûr aghe une vore radioative (Alessandro Pascolini, Il disastri de centrâl nucleâr di Fukushima Dai-ichi)
Sin. sfese
, fressure
, crepadure
, sclap
, sclapadure