Dizionari de Lenghe Furlane

fressure  /-ù-/  fre|ssu|re  [FO]

1. s.f. viertidure intune superficie che si romp o tra doi tocs che no cometin dal dut:  te cjamare al è inmò scûr, ma des fressuris dai barcons, e travane la lûs di une buinore sflandorose (Alan Brusini, Gian Paolo Linda, I forescj); la buerate di sere e tacave a sivilâ dentri pes fressuris di dêt (Dino Virgili, La aghe da pît la cleve)
   Sin. frise , sclap , sfese , crepadure , spac , viertidure , crepe²
   Var. sfressure , frissure , sfrissure , fissure , fessure , sfessure , fersure

Proverbis:

• aiar di fressure al puarte in sepulture
• soreli di veri e aiar di fressure a menin l'om in sepulture