spac
spac
[AF]
-
s.m.
[BF]
viertidure di alc che al è rot, taiât e v.i. o ancje di alc che al à di puest o par nature une forme vierte:
ogni tant al poiave jù il martiel par controlâ la once [dal falcet], se e vignive infûr vualive e cence spacs (Riedo Pup, I furlans e la creance)
Sin. sclap
, sfese
, viertidure
, sfressure
, spacadure
-
s.m.
moviment imburît:
"Auf, che al è morghin!" e al tirave pai pîts cualchidun: chel al saltave in senton cuntun spac (Dino Virgili, La aghe da pît la cleve)
Sin. spacade
-
s.m.
(fig., coloc.)
moviment imburît e istintîf par reazion a alc che no si spietisi e che si sint tant che un pericul:
cence che si fos visade, sal cjatà daprûf biel che e tornave cul bidon vueit. Jê e ve un spac. Lui, in rispueste, un ridi curt (Gianni Gregoricchio, Trê feminis)
Sin. salt1
, sbalç
, strabalç
-
emozion imburide causade di alc che al ven sintût tant che un pericul:
a chel spetacul il zovin cun dut il so coragjo a 'nd ve un spac di chei bogns. Mil pinsîrs di striis e di demonis i passarin pal cjâf (Luigi Gortani, Un paîs misteriôs);
"Joi ce spac che tu mi âs fat cjapâ…" (Pieri Somede dai Marcs, A la oselade)
Sin. momò
, piu piu
, scatûr
, spaghet
, spali
, spavent
, sbigule