spacade
/-cà-/
spa|ca|de
[CO]
-
s.f.
azion di spacâ, di movi cun fuarce:
"Timpat", al à zontât Bruno, sierant la ombrena e zint four da la puarta par dâighi una spacada da la aga e no bagnâ par cjera (Ovidio Colussi, La pension);
il Friûl che al da di ca dopo de spacade [di taramot] di chê gnot cjalde dal mês di Mai (Remo Cacitti, La ocasion pierdude)
Sin. scjassade
, sacodade
, sbatacolade
, scomade
, sdrondenade
, scuancassade
, spacolade
-
(fig.)
azion, fat, situazion e v.i. che a fasin dam
-
(fig.)
sindrome fuarte e improvise di cualchi malatie:
"O ai vût une spacade di asme vie pe gnot. Mi capite cun chest timp. E ogni volte o resti par un biel toc rivilît..." (Amedeo Giacomini, Tal ospedâl);
il nono al vuarì di chê spacade, ma nol jere plui chel di prin (Pieri Menis, Il «trono» dal von)