sacodade  /-dà-/  sa|co|da|de  [CO]

  1. s.f. moviment imburît e curt, ancje ripetût:  lu cjape par un braç, / i da une sacodade, / rugnant: "Mars fûr di ca, rem di galere!" (Zaneto Del Puppo, Lis animis dal Purgatori); une grande sacodade [pe esplosion di un silûr cuintri de nâf] ju bute un parsore chel altri, un fracàs come di un fulmin ju drece in pîts, po aiar e aghe ju messedin come fros; la nâf, parade in doi tocs, e va sot (Pieri Piçul, Storie dal popul furlan); la cjase di Saveri e jere restade in pîts [...] parcè che si jere cjatade tal pont muart de onde dal teremot, li che la sacodade no veve lavorât cun dute la sô fuarce (Giovanni Pillinini, Une grampe di vite)
    Sin. spacade , sdrondenade , sdrondenon , sgorlade , sgorlon , scjassade , scjas1 , scosse , scossade , scosseade
  2. s.f. (fig.) turbament improvîs o mudament improvîs, soredut traumatic:  dopo lis sacodadis e lis vuadulis cjapadis sot di Napoleon, [il popul furlan] al bramave nome di jessi lassât in pâs (Josef Marchet, Cuintristorie dal Friûl fin sot la Italie); li robis siguramentri dovevin lâ simpri cussì, in armonie, senze sacodadis cumò che si jere rivâts a chel biel cuilibri che ogni robe si belanzave cun chê altre (Zuan Morsan, Zovin di lune)
    Sin. spacade , sdrondenade , sdrondenon , sgorlade , sgorlon , scjassade , scjas1 , scosse , scossade , scosseade , ribalton , ribaltament , savoltament , savolton , voltament
  3. s.f. (fig.) solecitazion, stimul a cambiâ, a vignî fûr di une inerzie o di une situazion negative:  i neris di Montgomery (Alabama), cul boicot dai mieçs di traspuart, [...] e àn dât l'an passât, une biele sacodade a chês leçs raziâls (Redazion Patrie dal Friûl, Elezions)
    Sin. pocade , sburt , spacade , sdrondenade , sdrondenon , sgorlade , sgorlon , scjassade , scjas1 , scosse , scossade , scosseade , stiçade