sburt
sburt
[AF]
-
s.m.
azion di fâ pression par movi:
nus àn parâts dentri come un trop di besteam a sburts, a pidadis, a pocadis (Pieri Menis, Il «miracul» di un ûf);
Guido di Tombe, a sun di sburts al jere jentrât tal ufici dal Sindic e al zigave di sclapâ lis venis (Maria Forte, "Nossent")
Sin. sburton
, sburtade
-
s.m.
(fig.)
azion di indusi un mudament, di judâ, di fâ lâ indevant:
la burocrazie, cu la sô pegritât e cul so ostruzionisim, e po fermâ e disviâ ogni sfuarç, ogni sburt, ogni volontât e ogni iniziative dal guvier (Josef Marchet, La scrassigne);
tornâ a dâi sburt ae economie reâl (Antonella Lanfrit, I sindacâts de Sardegne a pro dal autoguvier dal popul-nazion)
Sin. impuls
, incentîf
, increment
, sburtade
, stimul
, stombli
-
s.m.
impuls spontani o istintîf:
un volontariât no plui improvisât su la fonde di sburts emozionâi, ma struturât e inserît intun Sisteme regjonâl integrât di protezion civîl (Linda Picco, In Friûl dîs mil volontaris de Protezion Civîl)
Sin. slanç
, impuls
, sburtade
, empit