Dizionari de Lenghe Furlane

ribalton  /-òn/  ri|bal|ton  [AF]

1. s.m. moviment imburît che al ribalte, che al cambie dal dut di posizion, ancje colant o fasint colâ:  a un tiarç i ven la voie di lâ in balon / e sul plui biel al fâs un ribalton: / in pratiche cussì i devente clare / la teorie di atrazion da tiare (Alfonso Deperis, Cormons)
   Sin. volton , ribaltament , messedament
   Var. rebalton , rabalton
   
   1. sunsûr fat di un moviment imburît:  si sint un ribalton come di int che e scjampe fûr par un barcon (Costantino Smaniotto, Co l'amôr al cimie)
   2. (fig., iperb.) moviment o funzionament iregolâr:  no pues ancjemò capî la cause dal ribalton tai budiei di ste gnot passade (Arturo Feruglio, Viaç a Vignesie)
   3. (fig.) sensazion di mudament emotîf imburît:  o vevi sintût un grant ribalton. Mi jeri spauride e o jeri scjampade (Gianni Gregoricchio, Trê feminis)
2. s.m. (fig.) mudament di situazion, soredut in riferiment ae politiche o ae societât:  al jere sucedût un ribalton che al veve butât par aiar dut ce che al jere stât insegnât e fat sperâ par vincj agn di fassisim (Francesc Placerean, Cuintristorie dal Friûl dal 1866 fint in dì di vuê)
   Sin. savoltament , disledrosament , rivoltament , sledrosament , messedament , voltament
   
   1. fin imburide di un podê, di une autoritât, di un sisteme e v.i.:  cualchi zovin che al fidave tal avignî e che al muardeve il smuars tal zito e si parecjave, in segret, pe dì dal ribalton da la Austrie… (Alviero Negro, Int di masnade)
      Sin. colade¹ , sdrumade
3. s.m. (fig.) grande confusion:  di ca e di là de strade dute sot sore, si viodeve nome un ribalton di bicicletis, di armis e di elmets, carognis di cjavai e di mûi (Pieri Menis, Sul agâr); meteit a puest dut cuant ca dentri che al è dut in ribalton (Costantino Smaniotto, Co l'amôr al cimie)
   Sin. badaluc , balfuerie , barafuse , batibui , bordel , caos , casin , cine , circ , conturbie , daidai , davoi , disio , fracassine , mismàs , pastiel , pestefruce , savoltament , sdavassum , tananai , montafin , confusie
4. s.m. manifestazion atmosferiche cun aiar fuart, precipitazions, che e pues ancje fâ dams:  l’aier, la bovadice e la brentane / sdrumin la mont da la piche al fondon: / e se pai crets il temporâl si acane / jù pal cjanâl al nas il ribalton (Enrico Fruch, Sù pa la Aupe)
   Sin. ribaltament , temporâl² , montafin , bovadice , codebuie , burlaç , savoltament

Polirematichis e espressions idiomatichis

• a ribalton loc.av., loc.adi.inv.