temporâl2
tem|po|râl
[AF]
-
s.m.
manifestazion atmosferiche violente, cun aiar, ploie fuarte, lamps e tons:
vie pe gnot, al jere sclopât un temporâl, di chei temporâi dal mês di Lui, che a rivin a colp sdrondenant e bruntulant, cun tons e saetis (Franca Mainardis, Il sium di Lissandri);
si jere inmaneât un temporâl trement e jê, puare siore, e veve une pôre che mai. Il burlaç al coreve come une magne vosant dal mâr aes montagnis e si ribaltave su la tiare di fâle tremâ (Alan Brusini, Par stradis lungjis)
Sin. bissebove
, bovadice
, burascjade
, codebuie
, rogan
, seon
, sgoif
, straleche
, stravint
, tristimp
, burlaç
, burascje
-
(fig.)
situazion di contrast violent o di barufe o cun consecuencis une vore negativis:
Tinut al veve capît che dopo la funzion al sarès vignût il temporâl. I fruts si voltavin a cjalâlu e a ridi. Tinut al rumiave il mût di taiâ la cuarde (Pieri Menis, Tinut di Libro)