burlaç
/-àç/
bur|laç
[FO]
-
s.m.
manifestazion atmosferiche cun precipitazions e aiar une vore fuart:
tirait dongje i fens che vuê si distache un brut burlaç (Maria Forte, La tiere di Lansing);
il burlaç al coreve come une magne vosant dal mâr aes montagnis e si ribaltave su la tiere di fâle tremâ (Alan Brusini, Par stradis lungjis);
Zuan al jere il vêr sapient dal timp. O vuei dî dal tristimp, dal burlaç, dal stravint, dal tulmignon, de bovadice, de codeboie. Un mestri tal sintî prime di ducj la burascjade, tal nasâ la tampieste (Maria Forte, La rive di Sant Pieri)
Sin. bissebove
, bovadice
, burascjade
, codebuie
, rogan
, seon
, sgoif
, straleche
, stravint
, tristimp
, rogant2
-
s.m.
(fig.)
situazion di contrast fuart, barufe violente:
e someave une robe di passaç, un burlaç come ducj, ma invezit se veve segnade daûr de orele. Di in chê dì no mi à mai dit une peraule, ni a gustâ ni a cene, ni in glesie ni fûr (Antoni Beline, Pre Pitin)
Sin. barufe
, montafin
-
s.m.
(fig.)
cundizion o situazion dificile o pericolose:
no ducj chei siôrs aquileiês che a jerin scjampâts là jù [a Grau], a tornarin indaûr dopo passât il burlaç [la invasion dai Uns di Atile] (Josef Marchet, Cuintristorie dal Friûl fin sot la Italie);
l'an passât si sintive ancjemò la clime dal dopovuere: robariis ogni gnot, cualchi sclop di revolvar o di sten dibot ogni sere […]. Cumò al pâr istès che il burlaç si sei un fregul dislontanât: si fâs un passut a la volte (Josef Marchet, Lis predicjis dal muini)
-
s.m.
(fig.)
savoltament psicologjic e morâl:
te lôr anime dome burlaç; massime in chê dal vieli, scjassade di chê gnove cence misure [che il fi al ves copade une femine] (Maria Forte, La gnot di Radeschi)
Sin. messedament
, mulin
, rivoltament
, savoltament
, conturbie
Proverbis:
- daspò dal burlaç al ven il soreli
- ogni maridaç il so burlaç