montafin
/-ìn/
mon|ta|fin
[CO]
-
s.f., s.m.
fin dal mont, o catastrofe tremende:
la menace di un montafin atomic (Renzo Balzan, Mai plui vuere);
mi soi visât di vê let di cualchi bande che Nostradamus al varès fissade la montafin propit tal 2013 (William Cisilino, Il turisim… salt, onest, lavoradôr)
Var. montefin
-
s.m., s.f.
(fig., iperb.)
grande confusion, sedi tant che disordin, che tant che sunsûr fuart, che tant che agjitazion di int e v.i.:
cuant che al à sintût chel montafin [il taramot], al à corût svelt difûr par viodi ce che al sucedeve (Cristina Noacco, Faliscjis);
a son saltâts fûr i muarts, i vîfs, i vicins, i lontans, interès di famee, cuistions di paîs, un montafin! (Pieri Somede dai Marcs, Par la firme di un contrat);
une dì, ce ti saltial fûr? Al salte fûr che [Betine] se intindeve cun Mante de Miane […] Podês crodi in cjase! Al nassè il montafin; e in paîs un businament che mai. Ma Betine no si rompè par chest (Pieri Menis, Destins)
Sin. babilonie
, baraonde
, batibui
, bordel
, casin
, cjadaldiaul
, confusion
, daidai
, disio
, fuligate
, involuç
, marcjât1
, messedot
, mismàs
, mulin
, pastiel
, pestadice
, pestefole
, pestefruce
, ribaltament
, ribalton
, 'savai
, 'savalêt
, savoltament
, tananai
, tibidoi
, voluç
, badaluc
, balfuerie
, barafuse
, davoi
, fracassine
, maçalizi
, maçarili
, diauleç
, disastri
, rivoluzion
-
s.m., s.f.
(fig., iperb.)
temporâl che al fische dut:
"Berto, Berto, ven a viodi ce raze di timp che al ven sù! Dai, jeve, stramaledît, che si prepare un montafin!" (Franca Mainardis, Aiar di cjase);
tes gnots di burlaç, cuant che il montafin al scravace plui sfolmenât, tu sintis di chês bandis come a clopetâ talpis di cjaval sul batût (Josef Cjargnel, La caroce di aur di Sant Martin)
Polirematichis e espressions idiomatichis