Dizionari de Lenghe Furlane

disastri  /-à-/  di|sas|tri  [AF]

1. s.m. fat une vore grâf, spec. improvîs, che al fâs dams su grande scjale:  riconsiderâ lis rispuestis aes situazions di emergjence par disastri nucleâr (Alessandro Pascolini, Il disastri de centrâl nucleâr di Fukushima Dai-ichi); i numerôs disastris naturâi, i tancj conflits locâi dal Tierç Mont a domandin l'atenzion dai guviers ocidentâi (Renzo Balzan, Il derit di no scugnî murî di fam)
   Sin. cataclisme , disgracie
   Cfr. flagjel , batidure , copete , malan , montafin
2. s.m. (fig., iperb.) situazion o fat negatîf o che al à un risultât negatîf, ancje se cence vitimis o cence dams materiâi di grandis proporzions:  la scuele furlane e je in crisi nere […] La uniche soluzion a chest disastri e je chê di cjapâ in man in maniere direte la competence su la istruzion (Walter Tomada, Lis bataiis di scombati tal 2019); o soi di gnûf a Selvucis, dongje de cjase bandonade dai vons: DISASTRI! Dut il lanternit dal toglât e dal cjôt dai purcits al è colât par tiere te arie (Checo Tam, La codebuie)
   Sin. disgracie , ruvine , faliment , tragjedie
   
   1. puest, robe, struture, situazion e v.i. une vore malmetude, plene di dams o di malfunzionaments:  l'ambassadôr venezian Gradenigo i veve scrit al cancelîr princip Kaunitz che tes 17 miis e mieze di Visc a Codroip la strade e jere un disastri (Pierluigi Visintin, Friûl e furlans te Histoire de ma vie di Giacomo Casanova)
3. s.m. (fig., iperb.) grant disordin, grande confusion
   Sin. badaluc , balfuerie , barafuse , batibui , bordel , caos , casin , cine , circ , conturbie , daidai , davoi , disio , fracassine , mismàs , pastiel , pestefruce , savoltament , sdavassum , tananai
   
   1. grande cuantitât, ancje cun sens di confusion