tragjedie
/-gjè-/
tra|gje|di|e
[AF]
-
s.f.
[AF, TS]
teatr., let.
opare e rapresentazion dramatiche, nassude te Grecie classiche e po cjapade sù ancje in altris timps e culturis, caraterizade di regjistri alt e episodis e conclusion violents o dolorôs:
mi veve dât di lei lis tragjediis di Oreste, e o jeri restât impressionât (Carlo Sgorlon, Il dolfin)
-
gjenar teatrâl e leterari di chê opare dramatiche:
la scriture par furlan [di Pacifico Valussi] no nas tant che tragjedie, ma come un drame sociâl, ven a stâi borghês, realist, pedagogjic e orientât ae dramaturgjie che no je dal dut ingjenue (Bepi Agostinis, Storie e cronistorie dal teatri in Friûl)
-
s.f.
fat une vore negatîf, soredut cun muarts:
il mont al jere plen di vueris, invasions e tragjediis cence fin (Carlo Sgorlon, Prime di sere);
la tragjedie de colonizazion da l'Afriche tal secul XIX (Renzo Balzan, La Afriche e mûr)
Sin. catastrofe
, disastri
, disgracie
, flagjel
-
(iperb.)
situazion negative o problematiche, ma no tant grave, che e ven cjapade in mût esagjerât:
la siore dal Lunctignint e à savût cussì ben manovrâ, cu la siore dal gjenerâl, che dute la tragjedie e finìs intune grant fieste (Arturo Feruglio, I stivâi di Zuan Batiste)