Dizionari de Lenghe Furlane

malan  /-àn/  ma|lan  [AF]

1. s.m. stât patologjic, malatie in sens gjeneric:  tal paviment de gleseute e jere une risultive di aghe che la int e cjoleve e e puartave vie, ai emigrants fin in Argjentine, par curâsi i malans dai voi (Dario Chialchia, Diari di un progjet didatic: etnografie par furlan te scuele)
   Sin. mâl , malatie
   
   1. mâl fastidiôs, improvîs e curt o ancje cronic, ma in gjenerâl no pericolôs:  cualchi volte si avilìs par chel dolôr di schene, e po ducj i odôrs i fasin ribaltâ il stomi, ma a son malans di pôc (Pieri Somede dai Marcs, Il prossim)
      Sin. picagne , schinele , magagne , rogne , fastidi , malstâ
2. s.m. event o efiet negatîf:  spolmonâsi a predicjâ, par persuadi i ascoltants che tancj malans che si à vût dopo la vuere, murie di int, gabelis gnovis, malatiis tes vîts, intes cartufulis, te nemalie, dut l'ere in cause dei lôr pecjadats (Giovanni Gortani, A la sagre di Mion); o sin persuadûts che la idee unitarie, la politiche tributarie praticade di Rome dal 1866 incà […] a vebin puartât une vore di malans al Friûl (Josef Marchet, A chei che no àn ancjemò capît)
   Sin. batidure , calamitât¹ , catastrofe , colp , contrarietât , copete , disastri , disdite , disfortune , flagjel , incident¹ , intop , malepasche , pidiment , ruvine , scalogne , sgnesule , signestri , tananai , tragjedie , disgracie , fastidi

Polirematichis e espressions idiomatichis

• dal mâl al malan loc.av.
• dal mâl e dal malan loc.av.
• tra il mâl e il malan loc.av.

Proverbis:

• il prin al busse e imbrace, il secont nice e fasse, il tierç an il malan e la malepasche
• un malan al cjace chel altri