malatie
/-ì-/
ma|la|ti|e
[FO]
-
s.f.
cundizion di un organisim li che a son alterazions negativis te morfologjie o te funzion di un o di plui orghins:
i nestris vecjos a vevin bisugne dal sant o de preiere parcè che no rivavin adore di vinci la malatie (Francesc Placerean, Il popul furlan al à ancjemò nostalgjie des robis bielis e santis)
Sin. mâl
-
singule afezion patologjiche:
Jacum cu la eterne storie des sôs malatiis, ridot a pesâ cincuante chilos cu la clâf di cjase (Alan Brusini, Par stradis lungjis);
par vie des malatiis contagjosis il guvier al à fat stabilî e sblancjâ cu la cjalcine ducj i mûrs (Josef Marchet, Lis predicjis dal muini)
-
dispès cul art.def., ancje se la patologjie no ven specificade:
«Ce vêso di taiâ?» «Un toc di bosc» «Pecjât taiâ i arbui» «Si scuen. A àn la malatie» (Carlo Sgorlon, Prime di sere)
-
s.f.
mancjance dal lavôr par resons di salût:
Fvg al prin puest tal nord par impleâts publics in malatie. Colpe dai solits furlans che a van a vore malâts e le tachin a ducj (Cjastrons, Sorestants e sotans)
-
s.f.
(fig.)
robe negative, sedi individuâl, che sociâl:
al veve la malatie de sflacje e si poiave saldo al lement, e nol rivave a cuminà nuie di nuie (Maria Forte, Fornasîrs);
la fanfare dal Cuarantevot, cu la sô incurabile malatie des peraulis cence costrut (Josef Marchet, La cotule imblecade)
Sin. mâl
, rogne
, pecje
-
passion o carateristiche cussì fuarte di jessi o di someâ patologjiche:
e devi vê capît la malatie dai furlans, che propite no rivin a stâ insiemi dome pal gust di stâ, ma si cjatin dome cuant che al è alc di scugnî fâ (Igor Londero, Un blanc e un neri)
Sin. manie2
Proverbis:
- amôr che al nas in malatie cuant che si vuarìs al passe vie
- dutis lis malatiis a son malsanis
- e je piês la ricjadude che no la malatie
- la invidie e je une malatie che si fâs cognòs daurman
- la veglece e je une malatie tant al è vêr che si mûr
- lis malatiis a son avîs
- malatie lungje, muart sigure
- malatiis di fruts, anade di bondance
- ni la malatie ni la preson no àn mai fat un galantom