Dizionari de Lenghe Furlane

pecje  /pè-/  pe|cje  [AF]

1. s.f. element che al fâs che alc al sedi imperfet o falât:  tocjâ cu la man dutis lis pecjis e i malans de situazion interne, politiche e sociâl da la Italie (Josef Marchet, …come che e diseve la gjate di Aquilee)
   Sin. mende , imperfezion , magagne , picagne , difiet
   
   1. difiet fisic o di salût:  Tunine si insentave difûr, su la bancje, a spietâ ancje jê come une foreste e, intant, e contave lis sôs picagnis e e scrusignave lis pecjis che a pativin lôr (Maria Forte, Il Bide di Miot)
2. s.f. (fig.) maniere di fâ o atitudin che e va cuintri de morâl o di ce che si calcole just:  il zovin nol veve pardabon nancje une pecje: brâf a scuele, educât cun ducj… in sumis, un fantat che ogni gjenitôr al sarès stât orgoiôs di vê metût al mont (Franca Mainardis, Aiar di cjase); «Maledete la creance e la pecje de sudizion» (Riedo Pup, I furlans e la creance)
   Sin. colpe , vizi , difiet , magagne , mende , tare

Proverbis:

• ducj si à la sô pecje