colpe
/-ò-/
col|pe
[FO]
-
s.f.
azion contrarie aes leçs o ae morâl e la consecuence che indi ven fûr:
si trate tantis voltis di vêrs delincuents e di canaiots, che si cjamin la cussience di colpis, di vergognis, di birbantariis (Josef Marchet, Lis predicjis dal muini);
la Madone e cjalave cu la stesse dolcece bogns e triscj, fortunâts e disfortunâts. Cui jerial tal just? Cui cence pecjât? Vadì nissun cun dute la colpe e nissun cence colpe (Maria Forte, La Madone de Pâs)
Sin. fal1
, magle
, scapuç
, tuart
-
s.f.
[TS]
dir.
azion di imprudence o di dismenteance, cence volontât dolose, che e fâs un dam a cdn.
-
s.f.
responsabilitât di efiets negatîfs:
o vevin di completâ il lavôr tal 2011. Ma nol sarà cussì: il tiermin al è spostât al 2013. Ma no je stade colpe nestre: la Port Authority no nus à consegnâts i progjets (Oscar Puntel, Mario Collavino: une bandiere furlane parsore il gnûf World Trade Center di New York);
par colpe sô o vin pierdût dut, cjamps, cjase, amîs, l'onôr de famee… e dodis agns di miserie, di tribulazions pai nestris fruts (Pieri Somede dai Marcs, Resurezion a Pontinie);
si sa che al è plui facil dâ la colpe a un imprest che no a la distrazion (Franca Mainardis, Grivôr);
i Strumîrs a provin a butâ dute la colpe intor di Antoni Savorgnan, ma la inchieste puartade indenant dal delegât di Vignesie, Andrea Loredan, no palese responsabilitâts diretis intal riviel (Carli Pup, Il Friûl de Joibe Grasse dal 1511)
Sin. cause
-
ancje in funzion di aposizion al subiet:
se no concludin nuie no son colpe lôr: al è colpe il guvier (Riedo Pup, Ocjo di no pintîsi);
il vuestri om al à vût simpri il so. Jo no soi colpe se lui al consumave buine part de stagjon, in aconts, vie pal Invier (Maria Forte, Mabile la Lunghine)
Sin. cause
, colpevul
-
prep.
in consecuence di, par vie di:
colpe il brut timp o vin scugnût restâ a cjase;
un cont par sentiment di economie, / cuintri la opinion de sô contesse, / L'ûl a ogni pat il mestri mandâ vie, / e tignî invece la braçoladresse; / colpe chest e son lâts in dissension: / o crôt che ducj e doi vebin rason (Pieri Çorut, Àn rason ducj doi);
La reson è abatude, e calpestrade, / e plui a no si sa lâ pe drete strade, / colpe Adam, cu volè mangjâ lu Pom. (Ermes di Colorêt, II, 207)
Sin. par vie di
, par colpe di
, cause
, par
, par cause di
, a cause di
Polirematichis e espressions idiomatichis
Proverbis:
- ce colpe aie la gjate se la massarie e je mate?
- cui che al è colpe dal so mâl che al vai se stes
- jo la colpe e tu la polpe
- la leç e je fate colpe dai triscj
- la muart e à simpri la sô colpe
- lis maledizions a van trê dîs par lûc, po a colin là che e je la colpe
- mes nol è colpe