magle
ma|gle
[AF]
-
s.f.
segn di colôr diferent lassât dal sporc:
il penin si jere crevât e su la pagjine si slargjave une biele magle (Gianni Gregoricchio, Îr e doman);
une cjase se tu le sblancjis ogni an, tu le mantegnis biele, linde, blancje, cuant che ti sbrisse une piçule sclipignade sù pal mûr, si impâr subit la magle (Riedo Pup, I furlans e la confession)
Sin. tacule
, tacje
-
segn di colôr diferent ancje no par vie dal sporc:
si jere inacuart di une magle rosse su la piel di Barbure (Agnul di Spere, Spietant)
-
s.f.
(fig.)
figure o robe scure o di colôr diferent rispiet al rest:
il mont intor di me al jere dut blanc cun cualchi magle maron di morârs. E jù nêf. E jù nêf (Checo Tam, Sense)
Sin. ombre
-
s.f.
(fig.)
element calcolât in cualchi maniere imperfet, negatîf e v.i.:
se a no son ombris ni maglis, si po stâ sigûrs che e je dute une bausie, e no ven nancje voie di cjalâle (Josef Marchet, Lis predicjis dal muini);
no jere, ta chê vôs, nissune magle di angosse (Agnul di Spere, I prâts des Savodagnis)
Sin. ombre
-
s.f.
(fig.)
disonôr o vergogne par vie di une colpe, di un pecjât, di un erôr:
salvâ l'onôr di cheste cjase, che no à mai vût une magle (Ercole Carletti, Mariute);
il lôr vant al jere chel di vê simpri lavorât, di jessi simpri stâts galantoms, di no vê maglis (Pieri Menis, Lis çuculis dal Gjigjo)
Sin. ombre
-
s.f.
(fig.)
persone ridicule e particolâr, ancje strambe:
chê frutate e je une biele magle (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. personagjo
Proverbis:
- ancje il soreli al à lis sôs maglis
- l'aur nol cjape magle
- la aghe no fâs magle
- ogni plui piçule magle e dissipe un tapêt
- piçule magle e ruvine un biel tapêt