colpevul /-è-/ col|pe|vul [CO]
- adi., s.m. che, cui che al à la responsabilitât di alc di negatîf o falât, soredut di alc che al va cuintri de leç: "[…] jo lu declari colpevul di conzure cuintri l'Imperi, di ribelion a lis leçs e di vê cjapât part ai disordins dal tredis di Mai culì in Sant Denêl" (Alviero Negro, Int di masnade); la robarie e jere capitade vie pe gnot. La storie e veve un svilup delicât, une indagjin interne fate dai responsabii de radio e puartà a capî tal zîr di pocjis oris che il colpevul al jere un zovin colaboradôr che al veve lis clâfs de radio (Max Mauro, Un Friûl difarent: i 90 mhz di Onde Furlane)
- adi. che al derive di une colpe, che al è espression di une colpe o che al è une colpe: ritarts (ancje di une vore di agns) e omissions cussientis e colpevulis te aplicazion di leçs regjonâls di bande de Regjon stesse o di siei ents (Sandri Carrozzo, Vuere e pâs - Il conflit linguistic in Friûl jenfri vuere cidine e pâs bausarie)
- adi., s.m. [BF] che, cui che al merete lis consecuencis di une colpe: recomandâi a lis sintinelis dei arestants, di vê simpri ogni precauzion inmagjinabil, par no fâsi colpevul di un rigorôs e meretât cjastì (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)