par vie di
[FO]
-
loc.prep.
par introdusi un complement di cause:
pe strade al jere dut un svuac di pocis, par vie dal burlaç di pôc prin (Pieri Menis, La gjaline robade);
e je stade brincade e sgnacade in galere par vie di une condane mertade za fa cuarante agns (Riedo Pup, La none in cuço e Cutolo assolt);
par vie di tant trist che al jere, la int lu clamavin Caìn (Alan Brusini, Amîs come prime)
Sin. cause
, cause di
, par cause di
, par
-
loc.prep.
par introdusi un complement di argoment o di limitazion:
se i furlans a podessin, ancjemò vuê, par vie di aministrazions, a savaressin ce sielzi [jenfri Italie e Austrie] (Riedo Pup, I furlans e la Austrie)
Sin. in fat di
, in cont di
, par
-
loc.prep.
par introdusi un complement di mieç, soredut tal câs di un procediment, di une trafile e v.i.:
lis robis a jerin stadis fatis in regule par vie di tribunâl (Pieri Somede dai Marcs, Strambariis)
Sin. par
, par mieç di
-
loc.prep.
par specificâ un leam di parintât o une relazion:
Celso: plui zovin di jê di cuatri agns, cusin lontan par vie di sûrs, vuarfin di pari e di mari (Gianni Gregoricchio, Îr e doman)
Cfr. di bande di
, de bande di
Components:
-
vie
s.f., av., inter., s.m.sing., prep.