vie  vi|e  [FO]

  1. s.f. strade, spec. cun edificis in bande:  un paisut che cumò al conte a pene dusinte animis e dôs viis metudis in crôs (Cristina Noacco, Faliscjis)
    Sin. borc , contrade , strade
    1. ancje cun iniz. maiusc. e ancje cu la specificazion di un non inte microtoponomastiche:  ator lis dîs, co jarin vignûts fûr di cjasa, par Via Bertolini dulà che stavin, no jara anima viva (Ranieri Mario Cossâr, Tinuta, la sartorela); in chê tratorie di Vie Manin, al cjatave simpri i avocats che a tornavin dal tribunâl e chei, pûr di fâ une biele ridade cun lui, i paiavin vulintîr di bevi (Angelo Covazzi, Colpe de aghe)
      Cfr. borc
  2. s.f. percors, itinerari, direzion:  la scuadre si incjaminà pe vie de montagne puartant cun se l'inglês (Roberto Ongaro, Il muc); a tacâ dal insediament etrusc di Spina la viticulture si sparnice inte planure padane, viers ocident e viers orient, dilunc la vie de ambre che e rivave al Baltic passant pal Friûl (Enrico Peterlunger, Storie curte de vît in Friûl)
    Sin. itinerari , percors , strade
    1. (fig.) percors di vite:  a voli e crôs la via a è segnada / encje se i no mi soi necuart (Giorgio Ferigo, Chel che al impiava fûcs)
      Sin. strade , troi
  3. s.f. puest par li che si pues passâ:  chê int e dîs che li e scomence une galarie che e taie la valadute di Socastoie e po e va sù fin tal cjistiel di Mont. Duncje, une vie segrete (Pieri Menis, Lis leiendis di Buie); cuntun baston di fier spiçât al jere za rivât a fâ une biele buse tal solâr de sô cele […] par la cuâl la vie di scjampâ e jere biele che pronte (Pierluigi Visintin, Friûl e furlans te Histoire de ma vie di Giacomo Casanova)
    Sin. pas , passaç
    Cfr. acès , jentrade , jessude
  4. s.f. [TS] sport intal alpinisim, itinerari in rimpinade fat di une cuardade o di un scjaladôr singul:  [Julius Kugy] al vierzè cetantis viis gnovis, sicu la diretissime Nord dal Montâs (Ermanno Dentesano, Cuatri peraulis su Julius Kugy)
  5. s.f. (fig.) maniere di procedi intal fâ alc, complès di azions, imprescj e v.i. doprâts par rivâ a un fin:  e sarès une vie par salvâ la tô anime (Roberto Ongaro, Cretevierte); Malignani al met a pont la sô tecniche [par fâ il vueit] che e seguìs la vie chimiche (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
    Sin. forme , maniere , metodi , mieç , mût , sisteme
  6. s.f. strât:  si bute parsore chel biel façoleton di tûl a trê viis di ricam (Catarine Percude, La plui biele)
  7. s.f. [TS] agr. linie lungje e strete di jerbe, forment e v.i. che e derive di un ciert lavôr o che e je prontade par un ciert lavôr:  il soreli si sbassave daûr lis polessis altis là vie e al petave ca a stris su lis viis de jerbe seade (Dino Virgili, La massarie); Sant Pieri […] al corè jù in curtîl a cjapâ il batali e a scomençâ la prime vie (Catarine Percude, Il prin sarasin)
  8. s.f. [TS] anat. canâl dal organisim:  Cemût si cjapie [la influence]? De int za malade traviers lis viis respiratoriis cul tossi, il stranudâ… (Aministrazion Publiche, No stâ a fâti influençâ. Vaciniti.)
  9. av. al pant slontanament o lontanance:  la polizie, cirint di mandâ vie dai zovins che si jerin sentâts sul pedrât e dopre lis manieris fuartis (Fabian Ros, Il fotogram mancjant. Un Friûl cence memorie storiche audiovisive); la sô femine e veve parturît intant che lui al jere vie (Roberto Ongaro, Cretevierte)
    Sin. lontan
    Cfr. in altrò , fûr
    1. av., inter. par comandâ di slontanâsi o ancje par pandi refût:  vie di ca, che nissun no us à clamâts! (Gianni Gregoricchio, Trê feminis); vie, vie, no vuei viodi nissun (Pieri Somede dai Marcs, Cjase di fitâ)
    2. al pues sotintindi un verp, cun sens di gjavâ:  la ostarie e jere cambiade. Vie il bancon di epoche. Vie lis cjadreis di stran. Vie il spieli cu la scrite Campar (Checo Tam, Se ti perdi tuo danno)
    3. (enf.) par segnâ la dinamicitât o il principi di une azion:  Gjigjon al cjapà sù il fiasc e la scorie, al montà sul cjar: dôs sflochetadis e vie (Dino Virgili, Il cjaradôr des animis); il jeur al fâs un salt e vie lui! (Meni Ucel, Cjaçadôrs)
  10. av., inter. al forme locuzions di comant par dâ il vie a une gare, a un zûc e v.i.:  pronts, vie!; un, doi, trê, vie!
    1. s.m.sing. ordin di partî o moment de partence:  un altri [frut] al dave il vie e al controlave che i concorints a partissin al moment just (AAVV, Un puint tra îr e vuê 2)
    2. s.m.sing. inizi di une cualsisei azion, operazion, iniziative e v.i., no dome di une gare:  si viestirin di cosacs e, fevelant par rus, a rivarin a imbroiâ e a meti fûr combatiment lis sentinelis, dant il vie al atac dai partigjans (Pieri Stefanutti, Daniel e i rus che a scombaterin cui partigjans furlans)
  11. av., inter. tant che esortazion gjeneriche:  o cjampanis, cjampanis / vie sunait sul nestri tor, / sunait la pâs fra i umign / e la glorie dal Signôr (Pieri Somede dai Marcs, L'ultin cordo)
    Sin. sù , sù mo , sù po , anìn
    1. ancje par segnâ une corezion o la acetazion di une corezion:  ta chê cjase al stave Jacum cun sô mari, femine e cuatri fruts; trê, vie, cumò che Fidrì al jere stât riclamât (Pieri Menis, Sul agâr)
  12. av. cun prime la preposizion "a" e un adietîf o sostantîf al forme locuzions di mût:  i mûrs di colôr simpri resint e cuadris in suaze e mobilie di lustrifin, a siôr vie (Dino Virgili, La aghe da pît la cleve); jo mi sintivi seneôs di fâ come lui, come se cumò o pierdès a stupit vie il gno timp (Carlo Sgorlon, Il dolfin); a tornavin a cjase ducj i fornasîrs, plumis tirolesis di fasan o di gjal cedron sul cjapiel vert, a muc vie (Maria Forte, Varc di confin); jo o cognòs la int di Gargagnà: chê che e fâs Nadâl a cristian vie, e chê che lu fâs in altris manieris (Josef Marchet, Lis predicjis dal muini); un Friûl - furlan, sloven, todesc e talian - che ae europeane vie si pues definîlu «unît inte diversitât» (Marc Stolf, La Patrie, la Fieste e la propueste di leç regjonâl)
  13. prep. par segnâ une operazion di sotrazion:  dodis vie doi, dîs (Zuan Nazzi Matalon, Marilenghe gramatiche furlane)
    Sin. mancul , gjave2 , gjavât
    1. [FÛ] par segnâ une operazion di moltiplicazion:  trê vie cinc cuindis (Jacopo Pirona, Vocabolario friulano)
      Sin. par , voltis
  14. prep. [BF] par introdusi un complement di mieç:  fâ che la divulgazion de opare presentade e sedi davuelte inte forme che e je plui economiche: la difusion vie web (Adrian Cescje, Memoriis di politiche linguistiche)
    Sin. par , cun
  15. prep. [BF] par indicâ une secuence:  Alvise al tacà a tirâ une lame vie chê altre dulintor de figure de fantate, poiade cuintri une bree piturade di neri (Carlo Sgorlon, Prime di sere)
    Sin. daûr
Polirematichis e espressions idiomatichis Proverbis:
  • cui trê rês de Pifanie va decîs par la tô vie
  • fûr il dint e vie il dolôr
  • la bausie e à curte vie
  • la femine e à di vê braçs di açâl, panze di furmie e lenghe scjampe vie
  • un solt butât vie di un mat, al è racolt di un savi

Altris Imprescj

Coretôr Ortografic

Il coretôr online pai tescj furlans.

Dizionari Bilengâl
Talian-Furlan

Il plui complet dizionari dal Talian al Furlan (passe 76.000 lemis) e no dome.

Dizionari des Formis

Par cognossi la flession dai lemis furlans: la coniugazion pai verps e la declinazion pai nons e adietîfs.

Sinonims e Contraris

Par cjatâ la juste peraule.

Lenghis

La plataforme didatiche pe scuele furlane.