acès
a|cès
[CO]
-
s.m.
(ancje fig.)
il lâ dentri, il jentrâ o il rivâ intun ciert lûc, intune cierte situazion, cundizion e v.i.:
a son cambiadis lis leçs par meti a norme i spazis di acès (Gloria Angeli, Centri Radio Astronomic de Mont di Muris di Ruvigne);
il mecanisim di acès al so Comitât sientific al à di sei par concors e i titui di amission a àn di sei ben definîts (Adrian Cescje, Memoriis di politiche linguistiche)
Sin. amission
, puarte
-
il rivâ a vê, il vê a disposizion:
vôs che par solit no àn acès al sisteme de informazion (Max Mauro, Un Friûl difarent: i 90 mhz di Onde Furlane);
dome une élite cetant limitade e veve acès ae leture des Scrituris e di ducj chei tescj che a costituivin il "fondament" teologjic de proprie comunitât (Christian Romanin, Il valôr di Aquilee al è vuê, te cussience di une identitât);
tai agns Cuarante, cuant che dome doi paîs a vevin acès ae energjie nucleâr (Alessandro Pascolini, Un mont cence armis nucleârs. Sfidis sientifichis e tecnologjichis)
-
s.m.
[TS]
med.
manifestazion imburide, ancje violente, di un umôr, di une emozion, di un fenomen:
al fo cjapât di un acès di furôr e al scomençà a berghelâ come un mat (Carlo Sgorlon, Il dolfin)
Sin. sbroc
-
s.m.
[TS]
inform.
serie di operazions che a coventin par cjatâ fûr o regjistrâ dâts inte memorie o su une unitât periferiche di un elaboradôr eletronic
-
conession a une rêt o a un sisteme:
il program […] nol è ancjemò di acès public, ma si pues jentrâ dome passant un control di non di utent e peraule segrete (Sandri Carrozzo, Franz Feregot, La elaborazion di un corpus etichetât de lenghe furlane scrite: esperiments e prospetivis)