sbroc  sbroc  [CO]

  1. s.m. jessude di alc che e libere di une cundizion di pression o di contigniment:  aluvions che a àn tormentât dilunc i secui cheste zone, stant che si cjate a sei tal plui grant jet di sbroc dal glaçâr dal Tiliment (Lucio Perès, Un paîs discomparît: "Villa de Quarn")
    1. liberazion di une pression o limitazion a nivel economic, sociâl, demografic e v.i.:  il nestri paîs al è daûr a scjafoiâsi e a sierâsi sun se stes; se no si dai un sbroc di cualchi bande (Roberto Ongaro, Il pecjât di Mosè)
  2. s.m. espression improvise di ce che si pense o di ce che si sint, che nol pues jessi stratignût:  e je cussì. E no conte se il mio sbroc / us pari efiet di rude zelosie (Ercole Carletti, Primevere ledrose); sô madone, che e à sintût in cusine in confûs il so sbroc, e ven ca a viodi ce che al sucêt di precîs (Meni Ucel, Maldicencis)
  3. s.m. manifestazion esteriôr di une patologjie, soredut cun inflamazions, bruscs, plaiis:  chês crostis che al à sui lavris e son un sbroc di fiere (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
  4. s.m. manifestazion esteriôr di une dinamiche:  lis tensions che a vevin scjassât il grup fondadôr a jerin personâls e politichis, cui voi di vuê, si pues dî che la crevadure e jere nome il sbroc di un cicli che si sierave (Max Mauro, Un Friûl difarent: i 90 mhz di Onde Furlane)