percors
/-ò-/
per|cors
[AF]
-
s.m.
linie ideâl o reâl che si fâs o che si à di fâ intun moviment:
il 75% dal percors des ultimis orbitis [dal satelit] al passave parsore dai mârs (Agnul di Spere, La pôre di Fidrì Job)
-
s.m.
toc di strade, di viaç, di moviment e v.i. che si fâs:
la salût dai migrants e dipent des malatiis presintis intai paîs di divignince, des causis de migrazion (vuere, violence, miserie), dal percors migratori e dai pericui patîts vie pal viaç (Guglielmo Pitzalis, Nissun pericul dai forescj)
Sin. itinerari
, strade
, timp
, viaç
-
timp par fâ une cierte strade:
lu ai cjapât sù e cjariât inte machine par puartâlu te cjase al mâr dal Guido. Pâr strani, ma par dut il percors nol à tirât pidadis, nol à sberlât e al podeve ben fâlu (Sandri Di Suald, Ah! la provincie)
Sin. itinerari
, strade
, timp
, viaç
-
s.m.
linie di une strade, di une ferade:
al pues sei significatîf ancje il lûc de "tombe" pal fat che al jere dongje - come in altris câs - di un percors batût (Lucio Perès, Une lance longobarde cjatade a Baracêt);
si son pierdûts agns par discuti di une opare cun carateristichis fûr di cjâf e cun coscj di no crodi, ven a dî: realizâ la alte velocitât par dome 110 chilometris in ambit regjonâl, cun 7 fermadis dentri di un percors masse curt (Fulvio Mattioni, Il futûr dal Friûl: laude ae "no sotan" economy)
-
s.m.
(fig.)
sucession di fats che si à di frontâ par rivâ a un ciert risultât o che si frontin par sielte o pal naturâl disglagnâsi de esistence:
Baracêt al veve convint a partecipâ ancje i deputâts furlans Loris Fortune e Pieri Zorç Bressan, il socialist e il democristian che a contin une vore tal percors di discussion e di aprovazion de leç di tutele (Adrian Cescje, Memoriis di politiche linguistiche)
-
s.m.
[TS]
sport
itinerari che a àn di fâ i concorints di une gare