viaç
/-à-/
vi|aç
[FO]
-
s.m.
il lâ di un puest a di un altri, lontans tra di lôr:
dopo un viaç lunc che nol finive mai, la sere tart o sin rivâts a Bologne (Pieri Somede dai Marcs, Sant Simon: 28 di Otubar 1917);
dopo no sai cetantis setemanis di viaç, cuvierte di polvar e di plaiis, strache e sfinide, e à podût rivâ a Rome (Pieri Menis, Lis leiendis di Buie)
-
s.m.
trate che si fâs di un puest a di un altri, spec. par puartâ alc o cdn.:
«Doman si po menâ sù il fen dai Pascs, che al è pront. Si po fâ doi viaçs» (Meni Ucel, I Catanas);
«Se tu vûs il cjaruç… [par puartâ vie la robe]». «Cul cjaruç? O scugnarai fâ almancul trê viaçs…» (Carlo Sgorlon, Prime di sere)
Sin. corse
-
cuantitât di robe che si pues puartâ intune volte:
se al vignive adore, la sere, al lave a cjoli un viaç di meniche o di fuee a so pari, tal cjamp (Dino Virgili, La strade come un destin)
-
s.m.
volte, dade singule di une cualsisei azion:
si cjatà plui di un viaç e di doi cence mangjâ (Antoni Beline, Pre Pitin);
la glesie furlane si è cjatade in armonie - cualchi viaç ancje masse - cul stât imperiâl (Francesc Placerean, Cuintristorie dal Friûl dal 1866 fint in dì di vuê)
Sin. volte
, pache
, colp
-
s.m.
percors fat cul pinsîr, cu la fantasie, cul studi e v.i.:
il prin pas di fâ tal nestri viaç tra tutele des minorancis, istituzions europeanis e procès di integrazion continentâl al è chel di frontâ propit chest gjenar di domandis (Marc Stolf, Minorancis linguistichis);
il lâ fûr di se stes (ek-stasis) al è, cuasi simpri, stât considerât come un viaç di cognossince (Franc Fari, Il cjâf dai furlans)
-
esperience di vite, ancje cun faturis, aventuris, pericui e v.i.:
[il fi che al jere stât tal lager] al jere li, denant di jê, vîf, tornât a jê di un viaç intal neri dal infier (Gianni Gregoricchio, Trê feminis)
Polirematichis e espressions idiomatichis
Proverbis:
- cui che al va e torne al fâs bon viaç
- doi viaçs dongje la aghe, trê tal mulin, e un di vicin