corse
/cò-/
cor|se
[FO]
-
s.f.
azion di cori:
il frutat al fasè une corse fin là sù dal Çuc dai Pins a cjoli une brene (Dino Virgili, La aghe da pît la cleve);
al sfladassave ancjemò pe corse che al veve fate (Pieri Menis, La setemane rosse)
Sin. corude
, corete2
-
moviment svelt ancje di un mieç di traspuart o di cualsisei robe:
il tren al sparì di chê altre bande, si sfantarin la rombe de sô corse e il ciulâ des ruedis (Carlo Sgorlon, Il dolfin);
la corint [dal flum], te sô corse, lu bateve cuintri i claps (Sandri Di Suald, Ah! la provincie)
-
s.f.
il lâ suntune bestie che e cor o cuntun veicul:
al jere rivât cuntune "Vespa" cjolte a nauli. Lui al vuidave; jo daûr. A 'nd vin fatis di corsis! (Gianni Gregoricchio, Trê feminis)
-
s.f.
competizion di velocitât:
la scuadre dai coridôrs di Tresesin e rivave al lûc de partence des corsis [di biciclete] (Alan Brusini, I coridôrs di Tresesin);
ce che al tirave soredut la int a jerin lis corsis dai cjavai (Pieri Menis, Une letare par Bepo)
-
s.f.
passaç di un mieç traspuart di linie e veicul che al passe par un traspuart di linie:
al jere jentrât a vore in stazion grande. Al partive ogni dì, cu la corse des siet, li devant la puarte di cjase, cu la monture scure e la sporte dal mangjâ, e al tornave la sere (Dino Virgili, La aghe da pît la cleve)
-
(fig.)
oportunitât:
cussì o vin pierdude la corse, par cheste volte: e di chestis corsis no 'ndi passe une ad an (Josef Marchet, Fieste finide)
-
s.f.
(fig.)
azion cualsisei fate in velocitât:
o domandìn il primât de contemplazion su la azion, dal spirt su la struture, de laude e dal silenzi su lis corsis inutilis (Antoni Beline, Il vêr gjubileu "in spirt e veretât")
-
s.f.
(fig.)
visite svelte:
la scuele e je une vore ordenade. Prove tor Pasche, a fâ une corse tes scuelis e tu viodarâs che di Pontebe fin a Caltagirone a studiin la «terza guerra d'indipendenza» (Riedo Pup, I furlans e il mestri)
Sin. salt1
-
s.f.
(fig.)
sfuarç di rivâ a un obietîf, soredut in competizion cuintri di altris:
partîts che a doprin il sì e il no come monede di scambi te lôr corse al podê (Josef Marchet, La unitât de camore);
in mieze gjenerazion, la corse a la Afriche e de a la Europe dibot l'intîr continent (Renzo Balzan, La Afriche e mûr)
-
s.f.
moviment par cjapâ velocitât, soredut prime di fâ un salt, viôt cjapâ la corse
-
s.f.
[TS]
mec.
distance fra lis dôs posizions estremis dal moviment lineâr di un aparât mecanic
Polirematichis e espressions idiomatichis