Dizionari de Lenghe Furlane

di corse    [FO]

1. loc.av. corint, lant cuntune ande svelte li che intune fase dal pas nissun dai pîts nol tocje par tiere:  e rive la gjostre: i fruts di corse i van incuintri insom dal paîs (Pieri Somede dai Marcs, La cavalarice)
   Sin. corint¹ , incorint
   
   1. lant une vore svelt, ancje di une bestie o a cjaval di une bestie o di un veicul o cuntun veicul:  a pene che [lis striis] lu àn viodût che lis spiave, a àn scomençât a corii daûr e lui cu la biciclete al è tornât di corse in paîs (Popolâr - Istitût di Ricercje Achil Telin, Il bal des striis - Friûl di Mieç); e passà di corse une machine e par pôc la cjapave sot (Jolanda Mazzon, Di là de rêt)
2. loc.av. in maniere improvise, svelte, in pôc timp, cence pierdi timp e v.i.:  "Orpo, o scuen lâ di corse che o ai la cite cui fasûi sul fûc" (Angelo Covazzi, Baratâ); il lari al fâs capî a mots di jemplâ il sac. Di corse. Gafâ il sac e sparî cui trente milions al è dut un (Fabian Ros, La rambe)
   Sin. subit , subite , daurman , di cariere , di bote , a sec , a colp , a colp sec , di buride , di bot , bot e sclop , a la improvise , a bot e sclop , di bot e sclop , dal improvîs , a ruede lavade , di cariere vierte , di presse , tic e tac , di strade
3. loc.adi.inv. fat o selezionât par cori, par fâ competizions:  ju veve menâts ator pe vile e ur veve fat viodi lis colomberis, metudis in file sot de barchesse, e i cjans di cjace di so pari, e la stale, cui cjavai di corse e di lavôr (Gianni Gregoricchio, Îr e doman); mi àn comprade la biciclete, però jo o volevi comprâ une di corse ma e costave masse (Mario Beltramini, Jo e Graziella)

Components:

• corse s.f.