Dizionari de Lenghe Furlane

incorint  /-ìnt/  in|co|rint  [CO]

1. adi. che al cor, che al va svelt, di corse:  al pareve che lis sôs gjambis blancjis e slissis si slungjassin dentri da la aghe, tremant cu la aghe incorinte (Dino Virgili, Aghelusinte); la Ulive lu spietave imbramide su la puarte e la Miliute e saltà fûr incorinte a cjapâlu a bracecuel (Maria Forte, La tiere di Lansing); Tant che uciei che a traviersin il cîl / i dîs de vite incorints / a vadin. […] (Agnul di Spere, Il timp al à alis)
   Sin. corint¹ , burît , sburît , imburît , svelt , inviât
   
   1. av. di corse, di buride:  i fruts a vignivin incorint sù par Cleve (Dino Virgili, La aghe da pît la cleve)
      Sin. besvelt , incorinte , di corse , di buride