inviât
in|vi|ât
[AF]
-
p.pass., adi.
viôt inviâ
, viôt inviâsi
-
adi.
che al va di une cierte bande:
Jacum al jere bielzà sul cjar inviât viers la place (Angelo Covazzi, Fradi dal plevan)
-
che al à un ciert destin:
chel fi inviât a un vivi vueit di afiet (Maria Forte, Cjase di Dalban)
-
adi.
che al à vût inizi, che al è te prime fase:
o vevin un libri inviât, no finît, e cence plui prospetive di publicazion (Adrian Cescje, Memoriis di politiche linguistiche)
-
di machine o machinari o ancje di cualsisei fenomen o ativitât, che al è in funzion, in moviment, in vore:
no je une strambe fantasie: e je une realtât za ben inviade (Riedo Pup, Murî di fam cui camarins plens)
-
adi.
che al va svelt:
e cirive di cjaminâ inviade, che, ancje, le sburtave il sbisieç dal stomi, ma lis mulis fruiadis a sbrissavin su la grave e no le lassavin spesseâ (Maria Forte, Cjase di Dalban);
sù pe strade al vignive sù un, cul pas inviât e la ande risolude (Dino Virgili, La aghe da pît la cleve)
Sin. svelt
, imburît
-
s.m.
persone mandade di une altre persone, di un ent, di une istituzion e v.i., cun funzions di rapresentance, corispondence e v.i.:
ricevi l'inviât consacrât [il vescul] che al sarà mestri e profete, grant predi e sorestant in Crist de glesie in Friûl (Tonin Cjapielâr, Al gnûf Vescul)
-
gjornalist mandât in maniere specifiche intun lûc par informâ sui fats:
al è biel fâ l'inviât par Radio Activity ma par jentrâ dulà che a sunin al vûl il pass e bisugne lâ a cjolilu tal Hotel Renaissance (Checo Tam, La maree nere)
