daurman
/-àn/
da|ur|man / daur|man
[FO]
-
av.
intal stes moment o intun moment seguitîf ma une vore dongje:
o soi content e o vuei ancje distrigâmi daurman, se voaltris o sês disponûts a fâ l'afâr (Maria Forte, La tiere di Lansing);
«Parcè doman? No podìno lâ daurman?» (Carlo Sgorlon, Il dolfin);
o cirii daurman di capî alc di plui su la cuistion che mi vevin presentât (Marc Stolf, La Cjarte di Strasburc dal 1981. Une Risoluzion "storiche" e ancjemò di atualitât)
Sin. subit
, subite
, dal lamp
, dal moment
, di bot
, a colp
, cumò
Var. durman
, davorman
, davourman
, devourman
, davurman
, devurman
, dorman
-
av.
fin di cumò o fin dal prin moment:
disìnlu daurman: la autonomie regjonâl in Italie e larà strucje (Josef Marchet, La gnespule malmadure)
Sin. za
, bielzà
, benzà
, subit
, subite
-
av.
dentri di pôc timp:
al è dome di sperâ che il miedi al rivi daurman (Gianni Gregoricchio, Trê feminis)
Sin. in curt
, a colp
, cumò
-
av.
cence ritarts, cence interuzions, cence altris passaçs tal mieç:
a misdì, invezit di lâ daurman a mangjâ, si meteve a zirâ pes stradis (Amedeo Giacomini, Tal ospedâl);
i tescj otignûts daurman inte forme eletroniche o chei tirâts dongje cul passadôr o copiâts a man a son scrits par mieç di diviers editôrs testuâi (text editors), e i lôr formâts a puedin jessi une vore lontans un cul altri (Vladimír Petkevič, trad. di Zorç Cadorin, Corpus linguistics)
Sin. dret
, subit
, subite
, a colp
-
av.
intune serie, cun interuzions une vore curtis jenfri un element e chel dopo:
al si voltave ore ca ore là cu la sô scjatule di tabac simpri pronte par cui che al voleve acetâ une prese, e al rideve di gust, spacantsi dut, cuant che al sintive a starnudâ cualchidun, massime lis frutatis, dôs, trê, cuatri voltis daurman (Zuan Lurinçon, La Madalene);
in chê volte, par trê voltis daurman, la int e invocave ad alte vôs: «Ut congruentem pluviam, fidelibus tuis, concedere digneris - Te rogamus, audi nos» (Riedo Pup, I furlans e la pâs)
Proverbis:
- bevi daurman cence spietà doman
- cui che al da daurman al da dôs voltis
- la invidie e je une malatie che si fâs cognòs daurman
- la strade plui curte a je chê che si cjape daurman
- lavorâ come che si ves di vivi simpri, preâ come che si ves di murî daurman
- se o ves un fi che al ves non doman, o volarès maçâlu daurman
- tal ben si usisi daurman