Dizionari de Lenghe Furlane

subit  /-ì-/  su|bit  [FO]

1. av. tal prin moment, cence che al passi timp o passant une vore pôc di timp di cumò o di un moment che si cjape di riferiment:  cul vieli Bastian, po, e fo subit barufe, che jê no intindeve di fâsi comandâ di lui (Gianni Gregoricchio, Trê feminis); ma ancje ce dûl chel di dâi une sbatude par tiere [al pes a pene pescjât] cun chê di fâlu murî subit! (Lucio Perès, A pescje tal suei)
   Sin. a la biele prime , besclet , biel sclet , cumò , cumò cumò , dal imediât , dal moment , dibot¹ , dibote , di fic , di fichet , di ficon , di presse , di prin intro , diret , diretîf , di strade , dit e fat , di tire , imbote , intun sclop , prest , sclet , svelt , tic e tac , daurman
   Var. subite
   
   1. dongje di altris indicazion di timp, par rimarcâ la imediatece:  i tornavin iniment ducj i avigniments passâts, massime chei dai dîs subit prin de promesse (Gianni Gregoricchio, Trê feminis); lis trupis talianis a jerin scjampadis di buride, passant sul puint di Pinçan che al jere inmò in pîts e che al fo fat saltâ subit dopo par fermâ il nemì (Roberto Ongaro, Il muc)
      Sin. a pene , juste
   2. av., prep. a pene dopo:  o vignarai subit cene là di lui (Roberto Ongaro, Il muc); sot la lobie, subit misdì, Guri al taçave i lens dai cavalîrs sivilutant (Dino Virgili, La aghe da pît la cleve); une domenie, inviât di Cjampei a straoris, al rivà a Biliris subit Messe grande (Meni Ucel, Mâl di paîs); che al fos puar lu viodei subit jentrât in cjase sô (Carlo Sgorlon, Il dolfin)
      Sin. a pene , juste
2. av. in pôc timp, dentri di pôc timp tal futûr:  "Ah! puare frute, cetante robe che i tu âs lavade! E jo ti 'nt puarti ancjimò!" "Eh, no impuarte, mame, deitmi ca vô: i ai finît subit" (Anute Fabris, A passe la scalmane); cuntun pensier improvîs al met jù la bambina mezana, di un cuatri ain al incirca: «Tegnila» i dîs a la granda: «stait ca, torni subit» e si buta ne la aga (Federigo Comelli, Il me paîs); son subit lis cuatri e bisugne scomençâ a preparâ la taule [pe mirinde] (Pieri Somede dai Marcs, Cjase di fitâ)
   Sin. dal imediât , dal moment , daurman , a colp , intun lamp
3. av. in prossimitât imediade ancje intal spazi o intun ordin logjic:  subit disore Polcenic e je une cjasute tal mieç di un bosc di lens scûrs e alts (Dino Virgili, Un riul tra Venit e Friûl); voltantsi, si cjatà, subit daûr, Ustin Bracent (Maria Forte, La tiere di Lansing); i temis a son prin di dut chei dal ricognossiment de lenghe furlane e de autonomie regjonâl, ma la tutele dal ambient e dai dirits civîi a rivin subit dopo (Max Mauro, Un Friûl difarent: i 90 mhz di Onde Furlane)
   Sin. a pene , juste

Polirematichis e espressions idiomatichis

• subit che loc.coniun.