Dizionari de Lenghe Furlane

a pene    [FO]

1. loc.av. in maniere o misure lizere, limitade, stentade:  altris par masse riguarts o par pigrizie a 'nd àn vude a pene mieze [porzion di rîs], o son restâts magari sence nuie (Giovanni Gortani, A la sagre di Mion); "Battistoni Cosimo del fu Gregorio… sêso vô?" al disè par talian. "Siôr sì…" al rispuindè Cuesim che al veve a pene capît il so non (Dino Virgili, La aghe da pît la cleve)
   Sin. a penis , cun pene
2. loc.av. di une vore pôc di timp:  un bambinel a pene nassût (Arturo Feruglio, Viaç a Vignesie); sot sere l'aiar al cessà di soflâ e parsore lis monts, là che al jere a pene lât a mont il soreli (Pieri Menis, Nadâl ancje par Gjelmin)
   Sin. a penis , juste , cun pene
   
   1. une vore dongje tal timp, tal spazi, tal ordin logjic o sim.:  il troi dal Fontanon al començave a pene fûr des cjasis di Tamau (Pieri Menis, Funerâl a Pâl Piçul)
      Cfr. propit , nancje , biel
3. loc.coniun. par introdusi une temporâl o une frase che e segne un ordin spaziâl o logjic o sim., subite dopo che:  a pene dismontât, jo mi tacai / a disfurnî i cjavai, / e ju molai con dut il postilion / pes gravis a passon (Pieri Çorut, La mê ospitalitât); a pene metût pît in cusine, Mariane e veve siarade la puarte e si jere poiade cuintri (Gianni Gregoricchio, Îr e doman)
   Sin. a penis , cun pene , biel , juste , subit , subite , nancje

Components:

• pene¹ s.f., av.