Dizionari de Lenghe Furlane

propit  /-ò-/  pro|pit  [FO]

1. av. pardabon, ancje come rinfuarcitîf:  chê fontane, voie o no voie, e je propit biele, elegante (Guido Antonioli, Florean dal Palaç, I, 1); dutis lis sôs teoriis si saressin sfantadis propit tant che il fum (Roberto Ongaro, Cretevierte)
   Sin. dabon , dassen , juste , lafè , parbon , par vêr , ben , pardabon
   Var. propri , proprit , propite , pruopi , pruopit , pruoprit
2. av. di un precîs, par rinfuarçâ:  al fo propit in chel Jugn morentât, che un gnûf dolôr al colà su chê cjase (Maria Forte, Cjase di Dalban); no nus saltial fûr un jeur, propit devant dal nâs! (Laurin Zuan Nardin, Torquemada)
   Sin. juste , di un precîs , pursì , ben
   
   1. tant che rispueste positive o conferme di ce che si à za dit:  "Si che duncje tu ti maridis…" […] "Propit. Al è za dut preparât." (Carlo Sgorlon, Ombris tal infinît)
      Sin. sì ve , sì , propit cussì