Dizionari de Lenghe Furlane

dabon  /-òn/  da|bon  [AF]

1. av. inte veretât, inte realtât:  a chel pont no erin dubis, no plui. No rivavi a pensâ, no rivavi a colegâ, ma alc al ere sucedût dabon (Stiefin Morat, Kebar krossè); se e fos stade dabon la tombe dai Sants Canzians al voleve dî che a jerin li di mil e sîscent agns! (Gianluca Franco, Il solt di Arlunc)
   Sin. pardabon , dassen , pardavêr , par vêr , pardassen
2. av. cun scletece e serietât:  "Ma dîstu propit dabon?" (Pieri Somede dai Marcs, O sielç lis stelis); nol è cussì sempliç! Sâstu, dabon Donald, sâstu ce fature che e je a tignî dûr, a sorevivi? (Stiefin Morat, Donald dal Tiliment)
   Sin. pardabon , dassen , pardavêr , par vêr , pardassen
3. av. cul significât di rinfuarciment o cun valôr enfatic:  al è un salvadi chel benedet di fra Bernart; nol vûl viodi nissun. Al è inrabiât dabon cul mont (Zuan Lurinçon, La Madalene); cumò che ai tacât, vuei lâi fin te code, dabon! (Dolfo Zorzut, No je plui vive)
   Sin. pardabon , dassen , pardavêr , par vêr , propit , pardassen

Polirematichis e espressions idiomatichis

• fâ dabon loc.v.