Dizionari de Lenghe Furlane

juste  jus|te  [FO]

1. adi. viôt just
   
   1. tal feminin ancje in costruzions impersonâls o tignint sù subietivis:  a no è justa che jo i vedi di murî propit vuei (Pier Paolo Pasolini, I Turcs tal Friûl)
2. av. par segnâ la precision di une identitât, di un lûc, di un moment, di une cuantitât, di une reson e v.i.:  juste tal indoman al rivave a Nancy il Tour de France (Agnul di Spere, Istât); juste dulà che e finìs la sô metadie e tache une pustote imense (Franco Marchetta, Madalene)
   Sin. propit , propite
   Var. uste
3. av. par rimarcâ, par dâ plui enfasi:  mi ricuardi, mi ricuardi che ti à tocjât juste ancje a ti di chestis voris [lavorâ te filande] (Dolfo Zorzut, No je plui vive)
   Sin. cun di fat , di fat , ben , lafè
4. av. par segnâ che alc al è tacât tal timp, tal spazi, tune secuence e v.i.:  al veve decidût di voltâ a drete, passant juste in bande di un bosc di pôi (Franca Mainardis, Grivôr); intune matinade radiofoniche si pues scoltâ la interviste cul president de Regjon sui problemis causâts des ploiis e juste dopo une trasmission di musiche etniche asiatiche (Max Mauro, Un Friûl difarent: i 90 mhz di Onde Furlane)
   Sin. propit , a pene
5. av. in maniere esclusive:  juste la aghe che si disgotave dai cops te cunete e rompeve chel zito, e la buere, a bugadis (Meni Ucel, La ombrene)
   Sin. dome , nome , sôl , solementri
6. av. in maniere limitative:  chê lenga di cret che a si strenç via fin che a deventa sutila che al passa justa un om (Novella Cantarutti, I cjans di not)
   Sin. dome , nome , sôl , solementri
7. av. di pôc timp, propit cumò:  o soi juste tornât dal Sudafriche e mi à cetant plasût (Oscar Puntel, Lis lidrîs des "gnovis vîts" a son in Friûl: interviste a Marco Simonit); o ai juste mandât fûr un librut cun traduzions par furlan di poesiis di Caproni (Walter Tomada, Pierluigi Cappello: «L’om plui concret? Il poete»)
   Sin. a pene , nancje , cumò , cumò devant , cumò denant
   
   1. ancje in costruzions cun dome il participi:  juste rivât, mi soi sigurât che al sei dut pront cuant che tu rivarâs vinars (Gianfranco Grion, Blecs in marilenghe)
      Sin. a pene , nancje , subit , subite
8. av., inter. esclamazion di afermazion, di aprovazion, di conferme:  «[…] Si àn cussì pocjis sodisfazions in chest mont, almancul mangjâ come che Diu comande». «Juste» dissal un altri (Carlo Sgorlon, Prime di sere); a domandavin un puint. Juste! Ma fasilu tu, un puint, sun chê sorte di straplomp (Josef Cjargnel, Il puint dal Diaul)
   Sin. sì , sì ve , propit , sigûr , lafè sì

Polirematichis e espressions idiomatichis

• juste a pont loc.av.
• juste apont loc.av.
• juste ben loc.av.
• juste in pont loc.av.