Dizionari de Lenghe Furlane

juste in pont    [CO]

1. loc.av. par precisâ, par rimarcâ ce che al è stât dit o ce che si è daûr a dî:  Pasolini al scuvierzè il furlan in gracie de sô passion pe filologije e pe poesie. Ma e jere, juste in pont, une lenghe scuvierzude, che no jere dal dut sô (Laurin Zuan Nardin, La gjaiute e je svolade vie)
   Sin. juste , apont¹ , juste ben , propit , just , juste apont
   Cfr. lafè , pardabon
   
   1. ancje tant che rispueste afermative o di conferme:  "Soi ca… Tu sâs parcè?" al dîs. "Sì, vin fat el pat!" "Juste in pont… e sâstu cimût che mi clami, cui che soi?" "Sì jo, tu tu sês un diau e el to non l'è Bruto!" (Dolfo Zorzut, El nanul e la fie dal mulinâr)
      Sin. propit , sigûr , sì po , sì ve , apont¹ , juste apont , sì

Components:

• juste adi., av., inter.
• pont s.m.