Dizionari de Lenghe Furlane

juste apont    [AF]

1. loc.av. par precisâ, par rimarcâ ce che al è stât dit o ce che si è daûr a dî:  il ros imbuît de sere al dismoveve dentri vie une sperance cence sens e juste apont par chel biele… (Dino Virgili, La aghe da pît la cleve); al à screadis dutis lis malatiis de vuere mondiâl, ma nol à fate une dì di jet. Nissun miedi di chei de vuere lu à mai «ricognossût», par vie che juste apont lis screave lui lis malatiis, e nissun lis cognosseve (Riedo Pup, Viliacco)
   Sin. juste , apont¹ , juste ben , propit , just
   Cfr. lafè , pardabon
   
   1. ancje tant che rispueste afermative:  «[…] Forsi che siôr Bepo lu cognossarà ancje jê?» «No isal fradi di chê che à sposat Orgnan?» «Juste apont.» (Giovanni Gortani, Lant jù pe Tresemane)
      Sin. propit , sigûr , sì po , sì ve

Components:

• apont¹ av.
• juste adi., av., inter.