Dizionari de Lenghe Furlane

dome  /-ò-/  do|me  [FO]

1. av. par esprimi une limitazion esclusive:  e jere stade dome jê, so sûr, a judâlu e assistilu (Pieri Somede dai Marcs, Dure leç); [tai scacs] il re al pues movisi in dutis lis direzions: […] ma dome une casele par volte (Nilde Teresa Negro, Zuìn di scacs); viôt li cjarandis sensa rosis, dome cu li spinis (Ugo Pellis, Catinuta)
   Sin. juste , nome , sôl , solementri , dome che , nome che , sôl che
   Var. dime , lome , domo²
2. av. cun valôr di coniun. aversative:  al è un biel vistît, dome un tic cjâr; chei o chei altris, par me, a son compagns…. Dome no volarès che al fos ancje gno fi fra chei che a son tignûts di voli (Alviero Negro, Int di masnade)
   Sin. ma , però , nome , dome che , nome che
3. av. par rimarcâ che une cuantitât o une entitât numerabile e je piçule, moderade e v.i.:  a vevin za fatis trê udiencis tal ufici dal judiç conciliadôr, la ultime, che a jerin dome trê dîs (Agnul di Spere, Frêt)
   Sin. juste , a pene , nome , a penis
4. av. ancje dome cun valôr enfatic:  Al voleve denunziâmi dai carabinîrs, podês dome crodi (Antoni Beline, Pre Pitin)
   Sin. nome

Polirematichis e espressions idiomatichis

• dome che loc.av., loc.coniun.
• mancjâ dome loc.v.
• vê voi dome par loc.

Proverbis:

• dai cops injù tu sâs ancje tu, dai cops insù dome il Signôr
• dome che il mus al mene la code par dibant
• dome cu la farine no si fâs pan
• il mâl nol è dome di une bande
• il tegnôs al è come il purcit che al è bon dome daspò muart
• la justizie e je dome che su la puarte dal cimitieri
• Nadâl al ven dome une volte ad an
• no si vîf dome cul pan
• no spice dome che la rogne
• tal frêt e sta ben dome la glace