ma
ma
[FO]
-
coniun.
par introdusi une oposizion, une ecezion, une risierve, une precisazion, une concession:
no esistin nome i criminâi di vuere ma ancje chei di ambient (Riedo Pup, I furlans e l'ambient);
la ghitare di Rinaldo, a fuarce di dâi e dâi, e jere restade cun nome trê cuardis, ma lui al sunave istès (Meni Ucel, Serenadis);
o prossumi. Cussì mi àn dit. Ma no sai (Fabian Ros, La rambe);
une motociclete di no si sa tropis mans, ma biele e sflandorose (Antescûr, Il svol dal Falcone)
Sin. di chê altre bande
, par altri
, però
, ma ben
-
coniun.
ancje cence valôr di oposizion, par introdusi un gnûf argoment, par tornâ a un di prime, o par dâ plui enfasi:
vistît il vuestri piçul e vignît vie cun nô; ma ricuardaitsi di no mai voltâsi indaûr! (Catarine Percude, La fuiace de Madone);
e voaltris o vignîs a fevelânus di austriacantisim. Ma par plasê! Tasêt par caritât! (Carli Pup, La seconde Irlande)
-
s.m.
element di oposizion, di dubi, di inciertece e v.i.:
al samee dut facil e biel, insumis, ma… Al è un "ma", un pericul (Dree Venier, Il Troll de lenghe);
"Ai siei ordins, siôr paron, ma… o ai provât…" "No son «mâs» che a valin! I lavôrs a son di fâ…" (Alviero Negro, Strumîrs e Çambarlans)
Proverbis:
- "se" e "ma" e "cuissà", a son trê peraulis di ponderâ
- "se" e "ma" no san ce cumbinâ
- "se", "ma" e "po" a jerin fradis
- i "se" e i "ma" a stan picjâts daûr de puarte
- ma e mo a jerin fradis e parintât no vevin
- no si cuiste la nobiltât nassint, ma degnementri vivint
- picjâts suntun claut ma vîfs
- si barate mulin ma no mulinâr
- si cambie mulin ma no mulinâr
- si mude mulin ma no mulinâr
- si mude mulinâr ma no mulin