Dizionari de Lenghe Furlane

nome  /-ò-/  no|me  [FO]

1. av. par esprimi une limitazion, une esclusion, une ecezion e v.i.:  e veve cuatri fruts e nome i doi braçs dal so om, che al faseve il manoâl (Roberto Ongaro, Cretevierte); mi displâs nome che no vin rivât a finî (Pieri Menis, Sul agâr); cun lôr no vevin fagots, no vevin pacs, no vevin bêçs, nuie di nuie, nome i sbrendui che a vevin intor (Pieri Menis, Chei di Muraie); stelis a no 'nd viôt nissune: nol sa dî nome che al è scûr e dut nulât (Giovanni Gortani, Il viaç di Vidisson)
   Sin. juste , dome , sôl , solementri , nome che , dome che , sôl che
   Var. nomo , lome
   
   1. ancje dopo di une negazion:  [i possidents] no spindevin un solt / ne in voris, ne in acolt / e no pensavin nome a scuedi il fit / e a fâ del rest la vite del purcit (Pieri Çorut, La agricolture)
      Sin. che¹
2. av. ancje cun valôr di coniun. aversative:  no che jo o spietàs chê dì cun ansie, o che o cirìs di savê cuant che e sarès vignude. Nome mi someave che e partignìs cun dute naturalece al gno avignî (Carlo Sgorlon, Il dolfin)
   Sin. ma , però , dome , nome che , dome che
3. av. par rimarcâ che une cuantitât o une entitât numerabile e je piçule, moderade e v.i.:  al veve plot nome trê dîs prime, ma cul cjalt dal Istât la tiere e jere secje e spacade come cun dôs setemanis di sut (Carlo Sgorlon, Prime di sere)
   Sin. juste , a pene , dome , a penis
4. av. ancje dome cun valôr enfatic:  al po nome crodi se no mi bruse scugnî lassâ cheste citât sul moment che o scomençavi a compenetrâle! (Arturo Feruglio, Viaç a Vignesie)
   Sin. dome

Polirematichis e espressions idiomatichis

• mancjâ nome loc.v.
• vê voi nome par loc.

Proverbis:

• a lâ nome che a messe nol è ben
• cui che al strussie pai fîs tal ultin al à nome che suspîrs
• cui cjamps si fâs la cjase, nome cu la cjase si mangje i cjamps
• cul art e cul ingjan si vîf nome mieç an, cul art e la bausie si manten la massarie
• cul art e cul ingjan si vîf nome mieç an, cul ingjan e cul art si vîf chê altre part
• di just no je nome la muart
• fin al zenoli ogni voli, dal zenoli insù nome jo e tu
• l'om al à nome doi braçs
• l'om nol vîf nome cul pan
• nissun sa ce che e coste la robe, nome cui che le paie
• un cjâf cence lenghe al è nome di fâ brût