diretîf
di|re|tîf
[CO]
-
adi.
che al à la funzion e la responsabilitât di direzi:
al è impuartant che la maiorance politiche dal Comun di Udin e sedi cussiente e a part di chel spirt che o disevi prin, che e ricognossi il so compit diretîf in chest moment storic specific (Sergio Cecotti, La Regjon che e covente pal Friûl)
Cfr. dirigjenziâl
, direzionâl
-
che al è propri di un diretôr, di une direzion:
no son masse lis feminis che inte nestre Regjon a ocupin posizions diretivis (Walter Tomada, Femine e leader, un binomi inmò dificil)
-
che al pant lis liniis, i criteris, i indreçaments di tignî:
no ai prontis dome lis ideis diretivis di chê politiche di intervent, i obietîfs, o ai pront za che al è un pieç il document di presentâ al Olf par che al fasi di base di discussion te definizion dal Plan (Adrian Cescje, Memoriis di politiche linguistiche)
-
s.m.
complès des personis che a àn la funzion e la responsabilitât di direzi une imprese e v.i.:
"Al partît i covente un om di spirt, coragjôs e di provade fede politiche e il diretîf ad in plen al à fat il to non" (Roberto Ongaro, Il muc)