dret
/-è-/
dret
[FO]
-
adi.
che nol à volts, cjantons, mudaments di forme o di direzion:
un cjariesâr cul tronc taront e dret come une colone (Carlo Sgorlon, Prime di sere);
la Tresemane, simpri drete, vualive, fûr di Cjavrîs a Tresesin, jenfri di dôs moraradis, cence paîs di mieç (Dino Virgili, La aghe da pît la cleve);
alt e ben tressât, bocje sutile, nâs dret e doi voi colôr di une lame di curtìs (Roberto Ongaro, Il muc)
-
s.m.
toc di strade che al va indevant regolâr, cence mudâ di direzion:
là di là al partìs vie un dret che si piert cuintri dal cîl (Gianni Gregoricchio, Trê feminis)
-
av.
(ancje fig.)
daûr di une linie che no à volts, che e va o che si indrece cun clarece intune direzion:
chei voi che a pontavin dret i vistîts e lis scarpis dal om (Marc Stolf, Al è simpri cualchidun che al è “plui mancul” di te)
-
adi.
di vistiari, che al à un tai cuntune forme lineâr, che no si slargje e no si siere:
un pâr di bregons drets
-
adi.
che al è intune posizion precise, che e podarès jessi segnade di une linie ideâl:
di gnot, doi voi ros discocolâts a fissavin drets devant tal scûr e la lôr viste e butave lontan: lis sinis, i fii dal telegraf, i pâi, i lens a vevin sgrisui luncs di lûs (Dino Virgili, La aghe da pît la cleve)
-
adi.
cun valôr di av., cence polsis, deviazions o cence fâ altris robis dilunc vie:
deis mil cjavai e sincsent a pie che a vegnin drets sul nustri paîs. A no si scjampa; e a no è pi nuia da fâ (Pier Paolo Pasolini, I Turcs tal Friûl);
al jere scûr cuant che e cjapà il troi che al menave dret te cjase di Nardon (Pieri Somede dai Marcs, Nardon e Vigjute di Nani)
Sin. diret
-
cence spietâ:
partît il paron, Zaneto al va sù dret su la armadure (Riedo Pup, La gjambe di Zaneto)
Sin. svelt
, besvelt
, daurman
, subite
, di corse
, diret
-
cence intermediaris:
la autoritât e ven dade al princip drete di Diu (Fabian Ros, La invenzion dal stât)
Sin. diret
-
cence dubi, dal sigûr:
Pine de Rosse, cence Selmo, e sarès lade drete in semence (Pieri Menis, Il fi de Rosse)
Sin. diret
, sigûr
, sec
-
adi.
che al à une relazion di parintât strente:
o jerin dome jo e Oglala, mio cusin dret (Checo Tam, Sense);
tal indoman jê e mande a passon sô fie drete [dopo che la dì prime e jere stade la fiastre] e i da tante cjanaipe di filâ (Popolâr - Andreina Nicoloso Ciceri, La fie e la fiastre - Racconti popolari friulani I);
siôr Svualdin, nevôt dret dal cont, fi di un so fradi che al jere a Udin (Dino Virgili, La aghe da pît la cleve)
-
adi.
che al sta sù impins, che al à une posizion o un moviment verticâl:
alt, dret come un pichet, sec incandît al puartave i bregons luncs e la velade curte e nol saltave mai fûr di cjase cence la cane (Pieri Somede dai Marcs, Pre Josef);
e cjaminave drete nancje che e ves il fîl de schene tignût a plomp di une stangje di fier (Gianni Gregoricchio, Trê feminis);
la siore e cjalave il fum des napis che al jesseve dret tal cîl (Alan Brusini, Par stradis lungjis);
mi jeri inviât dentri pal bosc, in chê frescure che e nulive di pês, tra chei lens alts e drets che si ingredeavin cui ramaçs là sù (Pieri Menis, La scuele dai fornasîrs)
Sin. impins
, sù
-
adi.
dal cjâf e v.i., tignût sù, ancje in segn di fuarce morâl,ardiment e v.i.:
al veve ancjemò un aspiet dignitôs. Al tignive il cjâf dret e a voltis al zirave il cuel, a planc, cui voi fis (Carlo Sgorlon, Il dolfin)
Sin. jevât
, alt1
-
adi.
di pêi o cjavei, che al sta perpendicolâr rispiet ae piel, soredut per une reazion istintive di pôre:
nissun di chescj al à mai vût il coragjo di lâ a viodi ce che al è. La maiôr part a scjampavin cui cjavei drets (Pieri Menis, Lis leiendis di Buie);
veju… i "dark"! A rivin a piçui trops o di bessôi cui cjavei drets, cotonâts (Checo Tam, Cocteau Twins su Netun (ma no il planet))
Sin. dreçât
-
adi.
dai cjavei, che no son ni a ondis ni riçots
Sin. slis
-
s.m.
in alc che al à dôs bandis, la bande principâl, chê che si dopre di plui o che si viôt di plui:
fotocopiâ il dret de pagjine;
cjalâ il dret e il ledrôs di un ricam
Sin. denant
, fûr
-
s.m.
[TS]
numism.
bande principâl di une monede, cu la figure che e je simbul de autoritât che e à mandât fûr la monede:
lis monedis celtichis cjatadis in Friûl a àn pal solit un cjâf di Apol tal dret e un cavalîr tal ledrôs
-
s.m., adi.
[TS]
artes.
pont fondamentâl de gucje, che passant la maie di un fier a chel altri al forme un anel plan verticâl:
imparâ il pont dret e il pont ledrôs;
une maie a cuestis fate alternant doi drets e doi ledrôs
-
s.m.
[TS]
tess.
bande di une tiessidure che e restarà in viste tai vistîts cusîts cun chê stofe
-
s.m.
[TS]
sport
tal tenis, colp dât cuntun moviment dal braç che al va a sierâsi devant dal zuiadôr
-
s.m.
[TS]
sport
te boxe, colp dât cu la man plui fuarte e cuntun moviment frontâl
Sin. diret
-
adi.
de bande diestre dal cuarp:
al veve il braç dret fassât strent fin sul comedon (Amedeo Giacomini, Tal ospedâl);
o cirivin di socâ un pessut di chê bande de aghe basse, cuant che o sintii come une sgrifade te gjambe drete (Lucio Perès, Tal Cuar)
Sin. diestri
-
di vistît o part di vistît, che si met o che al va de bande diestre dal cuarp:
ogni un tant si palpave la sachete drete dai bregons, scuasit par sintî sot dai dêts il confuart de plastiche dure e sigure dal telefonut celulâr (Franca Mainardis, Grivôr)
-
adi.
che si dopre cu la man diestre o che al funzione tal viers calcolât normâl:
cetancj struments: ghitaras dretas e çampas, un mandulin e un bouzouki e un violin e un liron (Giorgio Ferigo, In forma di peraulas…)
-
adi., s.m.
che, cui che al dopre la man diestre in prevalence rispiet ae man çampe:
i drets e i çampins
-
adi.
che al è de bande de man che pe plui part de int e à plui fuarce e precision:
e je une azion dai francês su la fasse drete, une azion che e somee pluitost complicade, ancje intorteade, ce vitis par puartâ un om dongje de puarte taliane e metilu in cundizion di bati in gol (Laurin Zuan Nardin, Vincjedoi)
-
des aghis, de bande diestre tal viers che e cor jù la aghe:
Spilimberc al è de bande drete dal Tiliment
-
adi.
che al à buinis cualitâts inteletivis, morâls, buinis capacitâts:
siôr Dalban nol puartave dongje [bêçs], e une femine, par tant drete che e sei, no pues fâ miracui (Maria Forte, Cjase di Dalban);
je ore che ognidun fasi ce che al crôt sô dovê cuntune cussience plui drete e positive e no par efiet di bufulis propagandistichis (Josef Marchet, Cuintristorie dal Friûl fin sot la Italie)
Sin. just
-
adi., s.m.
che, cui che al à avonde inteligjence di no fâsi imbroiâ, e che al pues doprâle par imbroiâ chei altris o par vê un pro:
chei che a son drets a profitin di ce che i mats a stracin (Pierluigi Visintin, Friûl e furlans te Histoire de ma vie di Giacomo Casanova)
Sin. acuart
, bolpin2
, diestri
, furp
, gjeniâl
, inzegnôs
, sutîl
, svelt
, tamesât
, babio
, bulo
, dreton
, furbat
, garlat
, industriât
, gjat
, moscardin
, sveât
, sbîr
, cjai
, dreçagne
-
adi.
che al pant la veretât cun sigurece:
e po no si rigjavà cjaveç ancje se dut al fo tentât par savê alc di dret (Maria Forte, Sul cjar di Pauli Gurin)
Sin. just
, sigûr
, ciert
-
s.m.sing.
informazion, insegnament, deduzion che a àn logjiche e che a puedin tornâ cont:
o jeri tant strac che no rivavi a meti in rie pinsîrs par rigjavânt un dret (Alan Brusini, Gian Paolo Linda, I forescj);
il vot di Setembar lu cjatà là jù a scoltâ ordins come zigos pierdûts. Nissun dret, nissune vôs sigure (Maria Forte, Cjase di Dalban);
dal 1967 il mês di Novembar, e saltà fûr une «Mozion dai predis» cun 529 firmis che e diseve il so dret a la politiche: su la universitât furlane, lis servitûts militârs, la migrazion, i puescj di lavôr, i contadins, la lenghe e la culture furlane (Francesc Placerean, Cuintristorie dal Friûl dal 1866 fint in dì di vuê)
Sin. indret
-
s.m.sing.
capacitât, ocasion di fâ alc, maniere di risolvi alc o di vê un vantaç:
Sgorlon lu veve scrit par talian par fâur lei ai talians alc sul Friûl, ma cussì i furlans a pierdevin il dret di podê lei alc di bon te lôr lenghe (Agnul di Spere, In viaç di domenie);
[la espansion di Vignesie] e començà cu lis tieris plui dongje, spietant cun pazience che i vignìs il dret di rivâ plui incà (Josef Marchet, Cuintristorie dal Friûl fin sot la Italie)
Sin. capacitât
, câs
, facoltât
, mût
, ocasion
, oportunitât
, podê2
, indret
-
adi.
tignût ben, in ordin, in buinis cundizions, ancje in sens morâl:
done Menie Durie e jere stade une femine di coragjo che dopo vê salvade la cjase di so pari, e à tignût drete chê dal marît e implantadis cuatri fameis cu la sô gjernazie (Catarine Percude, La mulinarie)
Sin. just
, ordenât
, regolât
-
s.m.
cundizion dulà che dutis lis robis a son tal lôr puest e a funzionin ben:
a veva voli, cjâf e fuarça par tignî in dret cjasa e cjera (Novella Cantarutti, La agna Mariana)
-
adi.
fat ben, cun bon risultât:
[Raimont de Tor] come vescul no 'ndi cumbinà une di drete, e come princip al imbastì une falope parsore la altre (Josef Marchet, Cuintristorie dal Friûl fin sot la Italie)
Sin. just
, bon
-
s.m.
robe fate ben, cun costrut:
jo invezit no rivi a cumbinâ un dret se no mi gjolt un pâr di cjicaris di cafè (Alan Brusini, Gian Paolo Linda, I forescj);
[la espansion di Vignesie] e començà cu lis tieris plui dongje, spietant cun pazience che i vignìs il dret di rivâ plui incà (Josef Marchet, Cuintristorie dal Friûl fin sot la Italie)
Polirematichis e espressions idiomatichis
Proverbis:
- cuant che no ti impuarte no stâ cjalâ se e va drete o stuarte
- cui che al va dret nol fale la strade
- cui che al vûl jessi masse dret nol è maladet
- cui che al vûl jessi masse maladet nol va dret
- cuntune redine si va drets, cun tantis si va tal fossâl
- dret o stuart un om al è simpri om
- il prometi al è dret, il mantignî al è çuet
- la strade drete e je la plui curte
- ogni dret il so ruviers
