Dizionari de Lenghe Furlane

impins  /-ìns/  im|pins  [FO]

1. av. stant poiât sui pîts e dret, cence jessi sentât o distirât:  ducj intor a preavin, feminis e fruts inzenoglâts par tiere, i oms daûr, impins (Pieri Menis, Il testament); la tane, o grote dormitori, e jere cussì basse che no si podeve stâ dentri impins (Pieri Menis, La vuere sul Freikofel)
   Sin. dret , sù
   Var. in pîts
2. av. in verticâl:  tal 1600 Tresesin al veve inmò impins lis muraiis che a sieravin il paîs (Alan Brusini, Come tai romançs); modons poiâts impins (Pieri Menis, Il burlaç)
   Sin. dret , sù
3. av., adi.inv. sveât e jevât sù dal jet:  al cricâ dal dì o jeri bielzà impins (Gianni Gregoricchio, Trê feminis)
   Sin. sù
   
   1. no plui tal jet par vie che si sta avonde ben dopo une malatie:  [par vie di un fûc] no son muarts, no! […] Pôcs dîs dopo la zovine jere za impins (Dolfo Zorzut, No je plui vive)
4. av., adi.inv. in vore, in funzion, in esistence e v.i.:  Vignesie invadint la Patrie dal Friûl le à svuedade dai siei podês, pûr lassantle impins tes formis (Sandri Carrozzo, La colonie)
5. av., adi.inv. che al à bisugne di une soluzion, di jessi frontât, di jessi finît e v.i.:  al reste impins l'interogatîf princip, ven a stâi chel di savê se pe indipendence dai popui storics si vûl tornâ a proponi il model istituzionâl statalist […] o se impen al covente une organizazion alternative (Fabian Ros, La invenzion dal stât)

Polirematichis e espressions idiomatichis

• meti impins loc.v.
• stâ impins loc.v.
• tignî impins loc.v.
• tirâsi impins loc.v.